പൻവേൽ: മഹാരാഷ്ട്രയിലെ പൻവേലിനടുത്തുള്ള നന്ദഗാവ് ഗ്രാമത്തിലെ അംഗൻവാടിയിൽ വെച്ച് പിഞ്ചുകുഞ്ഞിനെ ജീവനക്കാരി ക്രൂരമായി മർദ്ദിച്ച സംഭവം പുറത്തുവന്നു. അംഗൻവാടി കെട്ടിടത്തിന്റെ പടിയിൽ ഇരിക്കുകയായിരുന്ന പെൺകുഞ്ഞിനെ ജീവനക്കാരി നെഞ്ചിൽ ചവിട്ടി നിലത്തേക്ക് വീഴ്ത്തുന്ന ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നത്.(Anganwadi Worker Brutally Kicks Young Girl In Panvel)
സാരി ധരിച്ചെത്തിയ ജീവനക്കാരി ബാഗ് പിടിച്ചുനിന്ന പെൺകുഞ്ഞിന്റെ നെഞ്ചിൽ ആഞ്ഞുകവിട്ടുകയായിരുന്നു. ചവിട്ടേറ്റ് പടിയിൽ നിന്ന് നിലത്തേക്ക് തെറിച്ചുവീണ കുട്ടി വേദന കൊണ്ട് കരയുന്നതു കാണാം. അടുത്തുണ്ടായിരുന്ന മറ്റൊരു ജീവനക്കാരി കുട്ടിയെ എടുത്തുമാറ്റാൻ ശ്രമിക്കുന്നുണ്ടെങ്കിലും, ആക്രമണം നടത്തിയ സഹപ്രവർത്തകയോട് ചിരിച്ചുകൊണ്ട് സംസാരിക്കുന്നതും ദൃശ്യങ്ങളിൽ വ്യക്തമാണ്.
സംഭവസമയം അടുത്തുണ്ടായിരുന്ന മറ്റൊരു കുട്ടി പേടിച്ച് കരയുന്നതും വീഡിയോയിൽ പതിഞ്ഞിട്ടുണ്ട്. ഒരാൾ മൊബൈലിൽ പകർത്തിയ ഈ ദൃശ്യങ്ങൾ സോഷ്യൽ മീഡിയയിൽ എത്തിയതോടെയാണ് സംഭവം പുറംലോകമറിഞ്ഞത്. സംഭവത്തിൽ നവി മുംബൈ പോലീസ് കേസെടുത്ത് അന്വേഷണം ആരംഭിച്ചു.
Story Summary
A shocking video from an Anganwadi in Nandgaon, Panvel, Maharashtra, shows a staff member brutally kicking a young girl off the steps, causing her to fall to the ground. The incident, which has sparked widespread outrage, was recorded by a bystander, and the Navi Mumbai police have registered a case against the accused staff member.
