ജറുസലേം: അമേരിക്കൻ സൈനിക സഹായത്തെയും ആയുധങ്ങളെയും ആശ്രയിക്കുന്നത് ഇസ്രായേൽ അവസാനിപ്പിക്കണമെന്ന് പ്രധാനമന്ത്രി ബെഞ്ചമിൻ നെതന്യാഹു. വെസ്റ്റ് ബാങ്കിലെ ഗുഷ് എറ്റ്സിയോണിൽ റിസർവ് കോംബാറ്റ് ഓഫീസർമാരുമായുള്ള കൂടിക്കാഴ്ചയിലാണ് ഇസ്രായേലിന്റെ സ്വയംപര്യാപ്തത ലക്ഷ്യമിട്ടുള്ള സുപ്രധാന പ്രഖ്യാപനം അദ്ദേഹം നടത്തിയത്. ഇറാനെയും അവരുടെ പിന്തുണയുള്ള സായുധ സംഘങ്ങളെയും നേരിടാൻ സ്വന്തമായി ആയുധങ്ങൾ നിർമ്മിക്കാനുള്ള ശേഷി ഇസ്രായേൽ വികസിപ്പിക്കണമെന്ന് നെതന്യാഹു പറഞ്ഞു.(Benjamin Netanyahu Calls For Ending Israel Military Dependence On USA)
“അമേരിക്കൻ സുഹൃത്തുക്കളിൽ നിന്ന് വർഷങ്ങളായി ലഭിക്കുന്ന പിന്തുണയെ ഞാൻ വിലമതിക്കുന്നു. എന്നാൽ ഇന്ന് ഞാൻ പറയുന്നു, നമുക്ക് സ്വന്തമായി ആയുധ നിർമ്മാണ സംവിധാനം ആവശ്യമാണ്. നമ്മുടെ ആയുധങ്ങൾ നമ്മൾ തന്നെ നിർമ്മിക്കണം,” നെതന്യാഹു വ്യക്തമാക്കി. ഇറാനെതിരായ പോരാട്ടം അവസാനിച്ചിട്ടില്ലെന്നും, ഇസ്രായേലിന്റെ ഭാവി നമ്മുടെ സ്വന്തം കരുത്തിനെ ആശ്രയിച്ചായിരിക്കുമെന്നും അദ്ദേഹം കൂട്ടിച്ചേർത്തു.
ഇറാനുമായി അമേരിക്ക ഉണ്ടാക്കിയ പ്രാഥമിക കരാറിനെതിരെ ഇസ്രായേൽ ശക്തമായ അതൃപ്തി രേഖപ്പെടുത്തിയ സാഹചര്യത്തിലാണ് നെതന്യാഹുവിന്റെ പരാമർശം. ഈ കരാർ ഇസ്രായേലിന്റെ സൈനിക സ്വാതന്ത്ര്യത്തെ പരിമിതപ്പെടുത്തുമെന്ന് ഇസ്രായേൽ വിശ്വസിക്കുന്നു. അമേരിക്കൻ കരാറുകൾ തങ്ങളെ ബാധിക്കില്ലെന്നും, സ്വതന്ത്രവും പരമാധികാരവുമുള്ള രാഷ്ട്രമെന്ന നിലയിൽ ഇസ്രായേൽ സ്വന്തം സുരക്ഷാ തീരുമാനങ്ങൾ കൈക്കൊള്ളുമെന്നും നാഷണൽ സെക്യൂരിറ്റി മന്ത്രി ഇറ്റമാർ ബെൻ-ഗ്വിർ പ്രതികരിച്ചു.
Story Summary
Israeli Prime Minister Benjamin Netanyahu has called for an end to Israel’s military dependence on the US, urging the nation to develop independent arms-production capabilities to counter Iran. This statement highlights growing tensions between the two allies over a preliminary US-Iran deal, with Israeli officials asserting their right to make autonomous security decisions regardless of international agreements.
