കോഴിക്കോട്: നിയമസഭാ തെരഞ്ഞെടുപ്പ് അടുത്തിരിക്കെ, മന്ത്രി എ.കെ. ശശീന്ദ്രനെതിരെ എൻസിപിയിൽ പടയൊരുക്കം ശക്തമാകുന്നു. ഇത്തവണ എലത്തൂർ മണ്ഡലത്തിൽ ശശീന്ദ്രൻ മത്സരിക്കരുതെന്നും പുതിയ ആളുകൾക്ക് അവസരം നൽകണമെന്നും ആവശ്യപ്പെട്ട് പാർട്ടിയിലെ ഒരു വിഭാഗം രംഗത്തെത്തി.(Fight inside NCP against AK Saseendran, A faction says he should not contest the Assembly elections)
എലത്തൂർ മണ്ഡലത്തിൽ എ.കെ. ശശീന്ദ്രൻ മാറി നിൽക്കണമെന്നും പുതുമുഖങ്ങളെ പരിഗണിക്കണമെന്നും എൻസിപി കോഴിക്കോട് ജില്ലാ പ്രസിഡന്റ് മുക്കം മുഹമ്മദ് ആവശ്യപ്പെട്ടു. കഴിഞ്ഞ ദിവസങ്ങളിൽ ജില്ലയിലെ വിവിധ മണ്ഡലം കമ്മിറ്റികൾ ശശീന്ദ്രനെതിരെ പ്രമേയം പാസാക്കിയിരുന്നു.
പാർട്ടിയിൽ വ്യത്യസ്ത അഭിപ്രായങ്ങൾ ഉയരുന്നത് സ്വാഭാവികമാണെന്ന് എ.കെ. ശശീന്ദ്രൻ പ്രതികരിച്ചു. ആര് മത്സരിക്കണമെന്ന് പാർട്ടി തീരുമാനിക്കട്ടെ എന്ന നിലപാടിലാണ് അദ്ദേഹം. എതിർപ്പുകൾക്കിടയിലും മണ്ഡലത്തിലെ വിവിധ പരിപാടികളിൽ സജീവമായി പങ്കെടുത്ത് അദ്ദേഹം മുന്നോട്ട് പോകുകയാണ്.
