മെൽബൺ: ഫെബ്രുവരി 7-ന് ഇന്ത്യയിലും ശ്രീലങ്കയിലുമായി ആരംഭിക്കുന്ന ടി20 ലോകകപ്പിന് തൊട്ടുമുൻപ് ഓസ്ട്രേലിയൻ ടീമിന് കനത്ത തിരിച്ചടി (Pat Cummins Ruled Out T20 World Cup). പരിക്കിനെത്തുടർന്ന് സൂപ്പർ താരം പാറ്റ് കമിൻസും ടോപ് ഓർഡർ ബാറ്റർ മാത്യു ഷോർട്ടും ടീമിൽ നിന്ന് പുറത്തായി. ആഷസ് പരമ്പരയ്ക്കിടെ ഏറ്റ പരിക്കിൽ നിന്ന് പൂർണ്ണമായി മുക്തനാവാത്തതിനാലാണ് കമിൻസിന് ലോകകപ്പ് നഷ്ടമാകുന്നത്. പകരക്കാരായി പേസർ ബെൻ ഡ്വാർഷൂയിസിനെയും ബാറ്റർ മാറ്റ് റെൻഷോയെയും സെലക്ടർമാർ ടീമിൽ ഉൾപ്പെടുത്തി.
ഇടംകയ്യൻ പേസറായ ബെൻ ഡ്വാർഷൂയിസ് ലോവർ ഓർഡറിൽ മികച്ച രീതിയിൽ ബാറ്റ് ചെയ്യാനും മികവുള്ള താരമാണ്. ശ്രീലങ്കയിലെ വേഗത കുറഞ്ഞ പിച്ചുകളിൽ മാറ്റ് റെൻഷോയുടെ സാന്നിധ്യം മധ്യനിരയ്ക്ക് കൂടുതൽ കരുത്ത് നൽകുമെന്ന് ഓസ്ട്രേലിയൻ സെലക്ടർ ടോണി ഡോഡിമെയ്ഡ് പറഞ്ഞു. കമിൻസിന്റെ അഭാവത്തിൽ ജോഷ് ഹേസൽവുഡ് ഓസീസ് ബൗളിംഗ് നിരയെ നയിക്കും. ഫെബ്രുവരി 11-ന് അയർലൻഡിനെതിരെയാണ് ലോകകപ്പിൽ ഓസ്ട്രേലിയയുടെ ആദ്യ മത്സരം.
Summary
Australia faces a double blow as Pat Cummins and Matthew Short are ruled out of the 2026 T20 World Cup due to injuries. Left-arm pacer Ben Dwarshuis and batter Matt Renshaw have been named as replacements in the 15-member squad led by Mitchell Marsh.
