ചെന്നൈ: ബിജെപിയിൽ നിന്ന് രാജിവെച്ച് കെ. അണ്ണാമലൈ രൂപീകരിച്ച പുതിയ രാഷ്ട്രീയ പ്രസ്ഥാനമായ ‘വി ദ ലീഡേഴ്സി’ൽ ചേരാനൊരുങ്ങി വ്യവസായി വിശാഖൻ കെ. അണ്ണാമലൈ. സൂപ്പർതാരം രജനീകാന്തിന്റെ മകൾ സൗന്ദര്യയുടെ ഭർത്താവാണ് വിശാഖൻ. അണ്ണാമലൈയ്ക്ക് രജനീകാന്തിന്റെ പിന്തുണയുണ്ടെന്ന അഭ്യൂഹങ്ങൾക്കിടെയുള്ള ഈ നീക്കം തമിഴ്നാട് രാഷ്ട്രീയത്തിൽ വലിയ ചർച്ചകൾക്ക് വഴിവെച്ചിരിക്കുകയാണ്.(Vishagan K Annamalai To Join K Annamalai New Political Movement We The Leaders)
ജൂൺ 5-ന് ബിജെപിയിൽ നിന്ന് ഔദ്യോഗികമായി രാജിവെച്ചതിന് പിന്നാലെയാണ് അണ്ണാമലൈ ‘വി ദ ലീഡേഴ്സ്’ എന്ന പുതിയ ജനകീയ കൂട്ടായ്മ പ്രഖ്യാപിച്ചത്. വെറും 24 മണിക്കൂറിനുള്ളിൽ ഏകദേശം 14 ലക്ഷത്തോളം പേരാണ് ഈ പ്രസ്ഥാനത്തിൽ സജീവ അംഗങ്ങളായി ചേർന്നത്. വിദ്യാഭ്യാസം, ആരോഗ്യം, പരിസ്ഥിതി തുടങ്ങിയ മേഖലകളിൽ ഗ്രാസ്റൂട്ട് തലത്തിൽ മാറ്റങ്ങൾ കൊണ്ടുവരാനാണ് ഈ പ്രസ്ഥാനം ലക്ഷ്യമിടുന്നത്. വരാനിരിക്കുന്ന തിരഞ്ഞെടുപ്പുകളിൽ ഈ കൂട്ടായ്മ മൽസരിക്കുമെന്നും അണ്ണാമലൈ വ്യക്തമാക്കിയിട്ടുണ്ട്.
2020-ൽ സിവിൽ സർവീസ് ഉപേക്ഷിച്ച് ബിജെപിയിൽ ചേർന്ന അണ്ണാമലൈ, ചുരുങ്ങിയ കാലം കൊണ്ട് പാർട്ടിയുടെ സംസ്ഥാന അധ്യക്ഷ പദവി വരെ എത്തിയിരുന്നു. ഇപ്പോൾ സ്വന്തം നിലയ്ക്ക് ഒരു രാഷ്ട്രീയ പ്രസ്ഥാനത്തിന് രൂപം നൽകുമ്പോൾ, സാധാരണക്കാരെയും യുവാക്കളെയും ഒപ്പം നിർത്തി തമിഴ്നാട്ടിൽ പുതിയൊരു രാഷ്ട്രീയ സംസ്കാരം കെട്ടിപ്പടുക്കാനാണ് അദ്ദേഹം ശ്രമിക്കുന്നത്.
Story Summary
Vishagan K. Annamalai, son-in-law of superstar Rajinikanth, is set to join K. Annamalai’s newly formed political movement, ‘We The Leaders,’ following the latter’s resignation from the BJP. The new political outfit has already gained massive traction, registering nearly 1.4 million members in its first 24 hours, signaling a major shift in Tamil Nadu’s political landscape ahead of upcoming elections.
