മലപ്പുറം: വിദേശത്തുനിന്നെത്തുന്ന യാത്രക്കാരെ തട്ടിക്കൊണ്ടുപോയി സ്വർണ്ണവും പണവും കവർച്ച ചെയ്യാൻ പദ്ധതിയിട്ട 13 അംഗ സംഘത്തെ കരിപ്പൂർ പോലീസ് പിടികൂടി. വിമാനത്താവള പരിസരത്ത് നിന്ന് പ്രത്യേക പോലീസ് സംഘമാണ് ഇവരെ വലയിലാക്കിയത്. പ്രതികൾ സഞ്ചരിച്ചിരുന്ന രണ്ട് ഇന്നോവ കാറുകളും ഒരു സ്കൂട്ടറും കസ്റ്റഡിയിലെടുത്തു.(Karipur Airport Robbery Gang Arrested and Missing Passenger Case)
പിടിയിലായവർ കണ്ണൂർ, മലപ്പുറം, കോഴിക്കോട് ജില്ലകളിൽ നിന്നുള്ളവരും കർണാടക സ്വദേശികളുമാണ്. അതേസമയം, മൂന്ന് പ്രതികൾ പോലീസിനെ വെട്ടിച്ച് രക്ഷപ്പെട്ടിട്ടുണ്ട്; ഇവർക്കായി തിരച്ചിൽ ഊർജ്ജിതമാക്കി.
പ്രതികളുടെ മൊബൈൽ ഫോണുകൾ പരിശോധിച്ചതിൽ നിന്ന് ഞെട്ടിക്കുന്ന വിവരങ്ങളാണ് പുറത്തുവന്നത്. ഏത് യാത്രക്കാരനെ പിന്തുടരണമെന്നും എവിടെ വെച്ച് തട്ടിക്കൊണ്ടുപോകണമെന്നും വ്യക്തമാക്കുന്ന വാട്സ്ആപ്പ് സന്ദേശങ്ങൾ പോലീസിന് ലഭിച്ചു. കൃത്യമായ ആസൂത്രണത്തോടെയാണ് സംഘം വിമാനത്താവളത്തിലെത്തിയതെന്ന് വ്യക്തമാണ്.
Story Summary
A 13-member criminal gang planning to rob passengers arriving at Karipur Airport was arrested by police. Alongside the arrests, authorities are investigating the mysterious disappearance of a Saudi-returned passenger, Mohammed Salman Salih, to determine if the gang is linked to his case.
