ചെന്നൈ: തമിഴ്നാട് മുഖ്യമന്ത്രി എസ്. ജോസഫ് വിജയ് സംസ്ഥാനത്തെ കർഷകർക്കായി വൻ വിള ഇൻഷുറൻസ്-കടാശ്വാസ പദ്ധതി പ്രഖ്യാപിച്ചു. സഹകരണ ബാങ്കുകൾ വഴി വായ്പയെടുത്ത ചെറുകിട-നാമമാത്ര കർഷകർക്ക് വലിയ ആശ്വാസം നൽകുന്നതാണ് പുതിയ പ്രഖ്യാപനം. മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതതല അവലോകന യോഗത്തിന് ശേഷമാണ് ഉത്തരവ് പുറത്തിറങ്ങിയത്.(Tamil Nadu CM Vijay Announces Crop Loan Waiver Five Movie Shows Per Day Approved)
സർക്കാർ പ്രസ്താവന പ്രകാരം, 50,000 രൂപയിൽ താഴെ കടബാധ്യതയുള്ള എല്ലാ നാമമാത്ര കർഷകരുടെയും വായ്പകൾ പൂർണ്ണമായും എഴുതിത്തള്ളും. കടബാധ്യത 50,000 രൂപയിൽ താഴെയുള്ള ചെറുകിട കർഷകരുടെ വായ്പത്തുകയുടെ 50 ശതമാനവും ഒഴിവാക്കി നൽകും. ബാക്കി തുകകൾക്ക് പ്രത്യേക നിബന്ധനകളോടെയാണ് ഇളവ്:
50,001 – 60,000 രൂപ വരെ: 40,000 രൂപ ഇളവ്
60,001 – 70,000 രൂപ വരെ: 30,000 രൂപ ഇളവ്
70,001 – 80,000 രൂപ വരെ: 20,000 രൂപ ഇളവ്
80,001 – 1 ലക്ഷം രൂപ വരെ: 10,000 രൂപ ഇളവ്
1 ലക്ഷത്തിന് മുകളിൽ: 5,000 രൂപ ഇളവ്
2025 മേയ് 1-നും 2026 ഫെബ്രുവരി 28-നും ഇടയിൽ വായ്പയെടുത്ത കർഷകർക്കാണ് ഈ ആനുകൂല്യം ലഭിക്കുക. എന്നാൽ, ഈ പ്രഖ്യാപനത്തിൽ കർഷകർ പൂർണ്ണ തൃപ്തരല്ല. അഞ്ച് ഏക്കർ വരെ ഭൂമിയുള്ളവരുടെ മുഴുവൻ കാർഷിക വായ്പകളും എഴുതിത്തള്ളുമെന്ന് ടി.വി.കെ (TVK) പ്രകടനപത്രികയിൽ വാഗ്ദാനം ചെയ്തിരുന്നുവെന്ന് ചൂണ്ടിക്കാണിച്ചാണ് കർഷക സംഘടനകൾ രംഗത്തെത്തിയത്. ഇക്കാര്യത്തിൽ പാർട്ടി ഇതുവരെ ഔദ്യോഗികമായി പ്രതികരിച്ചിട്ടില്ല.
കാർഷിക പ്രഖ്യാപനത്തിന് പുറമെ, തമിഴ്നാട്ടിലെ സിനിമാ വ്യവസായത്തിനും മുഖ്യമന്ത്രി വിജയ് വലിയ ഇളവ് പ്രഖ്യാപിച്ചു. പുതിയ തമിഴ് സിനിമകൾ റിലീസ് ചെയ്ത് ആദ്യത്തെ ഒരു ആഴ്ചത്തേക്ക് തിയേറ്ററുകളിൽ പ്രതിദിനം അഞ്ച് ഷോകൾ വീതം പ്രദർശിപ്പിക്കാൻ അനുമതി നൽകി. കൂടാതെ പ്രാദേശിക ഉത്സവങ്ങളിലോ പൊതു അവധി ദിവസങ്ങളിലോ ഒരു പ്രത്യേക അധിക ഷോ കൂടി അനുവദിക്കുമെന്നും ഉത്തരവിലുണ്ട്. മേയ് 16-ന് സിനിമാ സിനിമാപ്രവർത്തകരുടെ പ്രതിനിധികൾ മുഖ്യമന്ത്രിയെ നേരിട്ട് കണ്ട് സമർപ്പിച്ച നിവേദനത്തിന്റെ അടിസ്ഥാനത്തിലാണ് ഈ തീരുമാനം.
Story Summary
Tamil Nadu Chief Minister S. Joseph Vijay announced a major crop loan waiver scheme for small and marginal farmers, though farmers expressed disappointment citing TVK’s manifesto promise of a total waiver. Additionally, CM Vijay approved five screenings a day for new Tamil movies during their first week of release.
