ബെംഗളൂരു: കർണാടക കോൺഗ്രസിൽ നേതൃമാറ്റവും മന്ത്രിസഭാ പുനഃസംഘടനയും സംബന്ധിച്ച അഭ്യൂഹങ്ങൾ ശക്തമാകുന്നതിനിടെ, മുഖ്യമന്ത്രി സിദ്ധരാമയ്യയെ അടിയന്തരമായി ഡൽഹിക്ക് വിളിപ്പിച്ച് കോൺഗ്രസ് ഹൈക്കമാൻഡ്. നാളെ ഡൽഹിയിൽ നടക്കുന്ന നിർണ്ണായക യോഗത്തിൽ പങ്കെടുക്കാൻ ഹൈക്കമാൻഡ് തനിക്ക് ക്ഷണം നൽകിയതായി മുഖ്യമന്ത്രി സിദ്ധരാമയ്യ തന്നെ സ്ഥിരീകരിച്ചു.(Karnataka Leadership Change Speculation As Congress High Command Summons CM Siddaramaiah To Delhi)
തന്റെ ഡൽഹി സന്ദർശനത്തെക്കുറിച്ച് ബെംഗളൂരുവിൽ മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. എന്നാൽ യോഗത്തിന്റെ കൃത്യമായ അജണ്ട എന്താണെന്നതിനെക്കുറിച്ച് തനിക്ക് ഇപ്പോൾ വ്യക്തതയില്ലെന്ന് അദ്ദേഹം കൂട്ടിച്ചേർത്തു.
എന്നെ ഡൽഹിയിലേക്ക് ക്ഷണിച്ചിട്ടുണ്ട്. നാളെ രാവിലെ 11 മണിക്ക് യോഗം നടക്കും. ചർച്ചാ വിഷയം എന്താണെന്ന് എനിക്കറിയില്ല. കഴിഞ്ഞ ദിവസം രാത്രി എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ എന്നെ ഫോണിൽ വിളിച്ച് യോഗത്തിന്റെ തീയതിയും സമയവും അറിയിക്കുകയായിരുന്നു, സിദ്ധരാമയ്യ മാധ്യമങ്ങളോട് പറഞ്ഞു. മുഖ്യമന്ത്രി പദവി പങ്കിടുന്നതുമായി ബന്ധപ്പെട്ട ചർച്ചകളും മന്ത്രിസഭയിൽ വരുത്തേണ്ട മാറ്റങ്ങളും യോഗത്തിൽ പ്രധാന ചർച്ചാവിഷയമാകുമെന്നാണ് രാഷ്ട്രീയ കേന്ദ്രങ്ങളിൽ നിന്നുള്ള സൂചന.
Story Summary
Amid intense speculation over leadership change and a Cabinet reshuffle in Karnataka, Chief Minister Siddaramaiah revealed that he has been summoned to Delhi by the Congress high command for a meeting on May 26. He stated that the meeting was intimated by AICC General Secretary KC Venugopal, though the exact agenda remains unknown.
