തിരുവനന്തപുരം: സംസ്ഥാനത്തെ പി.എസ്.സി ഉദ്യോഗാർത്ഥികൾക്ക് കനത്ത ആശ്വാസമേകി റാങ്ക് ലിസ്റ്റുകളുടെ കാലാവധി നീട്ടാനുള്ള സർക്കാർ ശുപാർശ കേരള പബ്ലിക് സർവീസ് കമ്മീഷൻ ഔദ്യോഗികമായി അംഗീകരിച്ചു. ഇന്ന് ചേർന്ന പി.എസ്.സി യോഗത്തിലാണ് മന്ത്രിസഭയുടെ ഈ നിർണ്ണായക ശുപാർശയ്ക്ക് അംഗീകാരം നൽകിയത്.(Kerala PSC Approves Government Recommendation To Extend Validity Of Two Hundred Eighty Nine Rank Lists)
പുതിയ തീരുമാനപ്രകാരം 2026 മേയ് 25 നും ഓഗസ്റ്റ് 31 നും ഇടയിൽ കാലാവധി അവസാനിക്കേണ്ടിയിരുന്ന വിവിധ തസ്തികകളിലെ റാങ്ക് ലിസ്റ്റുകളാണ് നവംബർ 30 വരെ നീട്ടി നൽകിയിരിക്കുന്നത്. പി.എസ്.സിയുടെ ഈ പ്രത്യേക ഉത്തരവിലൂടെ സംസ്ഥാനത്തെ 289 റാങ്ക് ലിസ്റ്റുകൾക്കാണ് കാലാവധി നീട്ടിക്കിട്ടുന്നത്.
കേരളത്തിൽ അധികാരമേറ്റ വി.ഡി. സതീശൻ സർക്കാരിന്റെ ആദ്യ മന്ത്രിസഭാ യോഗത്തിലെ ഏറ്റവും പ്രധാനപ്പെട്ട പ്രഖ്യാപനങ്ങളിലൊന്നായിരുന്നു പി.എസ്.സി റാങ്ക് ലിസ്റ്റുകളുടെ കാലാവധി നീട്ടുമെന്നുള്ളത്. മുഖ്യമന്ത്രി തന്നെയാണ് ഇക്കാര്യം മുൻപ് ഔദ്യോഗികമായി മാധ്യമങ്ങളെ അറിയിച്ചിരുന്നത്. സർക്കാരിന്റെ ഈ ആവശ്യത്തിനാണ് ഇപ്പോൾ പി.എസ്.സി ഭരണഘടനാപരമായ അംഗീകാരം നൽകിയിരിക്കുന്നത്. ഈ രണ്ട് സുപ്രധാന തീരുമാനങ്ങളും വഴി സംസ്ഥാനത്തെ വിവിധ റാങ്ക് ലിസ്റ്റുകളിൽ ഉൾപ്പെട്ടിട്ടുള്ള 30,845 ഉദ്യോഗാർത്ഥികൾക്കാണ് സർക്കാർ ജോലിക്കായുള്ള തങ്ങളുടെ സാധ്യതകൾ സജീവമായി നിലനിർത്താൻ സാധിക്കുന്നത്.
Story Summary
The Kerala PSC has approved the VD Satheesan government’s recommendation to extend the validity of 289 rank lists expiring between May 25 and August 31, 2026, until November 30. This landmark decision brings immense relief to 30,845 job aspirants across the state.
