മലപ്പുറം: മലബാർ മേഖലയിലെ പ്ലസ് വൺ സീറ്റുകളുടെ വലിയ തോതിലുള്ള കുറവ് പരിഹരിക്കുമെന്ന് പൊതുവിദ്യാഭ്യാസ മന്ത്രി എൻ. ഷംസുദ്ദീൻ. മലപ്പുറത്തും പാലക്കാടുമാണ് സീറ്റുകളുടെ കുറവ് ഏറ്റവും രൂക്ഷമായിട്ടുള്ളത്. നിലവിൽ സർക്കാരിന്റെ മുന്നിൽ വളരെ കുറച്ചു സമയം മാത്രമാണുള്ളതെന്നും പ്രതിസന്ധി പരിഹരിക്കാൻ ചെറിയൊരു സാവകാശം ആവശ്യമാണെന്നും അദ്ദേഹം പറഞ്ഞു.(Plus One Seat Crisis, Minister N Samsudheen Additional Batches)
വിഷയത്തിൽ മുഖ്യമന്ത്രിയുമായി ആലോചിച്ച് ഉചിതമായ പോംവഴി കണ്ടെത്തുമെന്നും സീറ്റ് പ്രതിസന്ധിക്ക് ശാശ്വതമായ പരിഹാരം സർക്കാരിന്റെ മുന്നിലുണ്ടെന്നും മന്ത്രി വ്യക്തമാക്കി. ഒരു വിദ്യാഭ്യാസ ജില്ലാ പരിധിയിൽ എസ്.എസ്.എൽ.സി വിജയിക്കുന്ന വിദ്യാർത്ഥികൾക്ക് അതേ ജില്ലയിൽ തന്നെ പ്ലസ് വൺ സീറ്റുകൾ ലഭ്യമാകണം എന്നതാണ് സർക്കാരിന്റെ നയം. അതിനായി ഡി.ഇ.ഒ അടിസ്ഥാനത്തിൽ സീറ്റുകൾ പുനഃക്രമീകരിക്കാൻ ആവശ്യമായ ശ്രമങ്ങൾ നടത്തും, മന്ത്രി പറഞ്ഞു.
കഴിഞ്ഞ സർക്കാരിന്റെ കാലത്ത് ഒപ്പുവച്ച പദ്ധതിയുടെ നടപടികൾ നിർത്തിവെക്കാൻ ആവശ്യപ്പെട്ട് കത്തയക്കുകയായിരുന്നുവെന്ന് അദ്ദേഹം ചൂണ്ടിക്കാട്ടി. ഇതിനിടയിൽ കേന്ദ്രം ചില ഫണ്ടുകൾ അയക്കുകയും സംസ്ഥാന സർക്കാർ അത് കൈപ്പറ്റുകയും ചെയ്തിട്ടുണ്ട്. മുൻ സർക്കാർ ഒപ്പുവെച്ച ഒരു കരാർ ഇപ്പോൾ എങ്ങനെ പിൻവലിക്കാൻ കഴിയുമെന്നതിൽ കൃത്യമായി പരിശോധിച്ച ശേഷമേ അന്തിമ തീരുമാനമെടുക്കൂവെന്നും മന്ത്രി കൂട്ടിച്ചേർത്തു.
Story Summary
Education Minister N. Samsudheen stated that the government has decided to include additional batches in the first allotment itself to address the severe shortage of Plus One seats in the Malabar region, particularly in Malappuram and Palakkad. He added that the government aims for a permanent solution by arranging seats on a DEO basis. Regarding the PM SHRI scheme, the minister mentioned that legal options are being verified since the previous government signed the contract but later requested to halt it, while some central funds were already received.
