ഫ്ലോറിഡ: അമേരിക്കയിലെ ഫ്ലോറിഡയിലുള്ള ബ്രെവാർഡ് കൗണ്ടിയിൽ അയൽവാസിയുടെ രണ്ട് പിറ്റ് ബുൾ നായകളുടെ ക്രൂരമായ ആക്രമണത്തിന് ഇരയായി അമ്പതുകാരിയായ ജോഡി കോവൻ എന്ന സ്ത്രീ കൊല്ലപ്പെട്ടു (Pit Bull Attack Florida). ചൊവ്വാഴ്ച നടന്ന ദാരുണമായ സംഭവത്തിൽ, സ്വന്തം വളർത്തുനായയെ പുറത്തു നടത്താൻ ഇറങ്ങിയതായിരുന്നു ജോഡി. ഈ സമയത്താണ് സമീപത്തെ വീട്ടിലെ രണ്ട് പിറ്റ് ബുൾ നായകൾ ഇവരെ ആക്രമിക്കുകയും റോഡിലൂടെ വലിച്ചിഴയ്ക്കുകയും ചെയ്തത്. ഭാര്യയുടെ നിലവിളി കേട്ട് ഓടിയെത്തിയ ഭർത്താവ് ഡോണൽ സ്മിത്ത് നായകളെ തുരത്താൻ ശ്രമിച്ചെങ്കിലും അപ്പോഴേക്കും ജോഡിക്ക് ഗുരുതരമായി പരിക്കേറ്റിരുന്നു. ഉടൻ തന്നെ ഇവരെ എയർലിഫ്റ്റ് വഴി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്വന്തം ചെറിയ വളർത്തുനായയെ പിറ്റ് ബുല്ലുകളുടെ ആക്രമണത്തിൽ നിന്ന് രക്ഷിക്കാൻ ശ്രമിക്കുന്നതിനിടയിലാണ് ജോഡിക്ക് നേരെ ആക്രമണമുണ്ടായതെന്നാണ് പ്രാഥമിക നിഗമനം.
ഈ നായകൾ മുൻപും പ്രദേശത്ത് കടുത്ത അക്രമസ്വഭാവം കാണിച്ചിരുന്നതായും, ഇവയെ കെട്ടഴിച്ചു വിട്ട നിലയിലാണ് കാണാറുള്ളതെന്നും നാട്ടുകാർ പ്രാദേശിക മാധ്യമങ്ങളോട് പ്രതികരിച്ചു. ഇത് സംബന്ധിച്ച് മുൻപ് പലതവണ അനിമൽ കൺട്രോൾ അധികൃതർക്ക് പരാതി നൽകിയിരുന്നെങ്കിലും യാതൊരുവിധ നടപടിയും ഉണ്ടായിരുന്നില്ലെന്ന് പ്രദേശവാസികൾ കുറ്റപ്പെടുത്തി. സംഭവത്തെ തുടർന്ന് ക്രൂരമായ ആക്രമണം നടത്തിയ രണ്ട് നായകളെയും ബ്രെവാർഡ് കൗണ്ടി ഷെരീഫ് ഓഫീസിലെ ഉദ്യോഗസ്ഥരും അനിമൽ കൺട്രോൾ വിഭാഗവും ചേർന്ന് പിടിച്ചെടുത്ത് മാറ്റിയിട്ടുണ്ട്. നിലവിൽ സംഭവത്തിൽ ആരുടെയും അറസ്റ്റ് രേഖപ്പെടുത്തിയിട്ടില്ലെന്നും പോലീസ് സമഗ്രമായ അന്വേഷണം നടത്തിവരികയാണെന്നും ഔദ്യോഗിക വൃത്തങ്ങൾ അറിയിച്ചു.
Summary: A 50-year-old woman identified as Jodi Cowan died after being brutally attacked by two pit bulls in Brevard County, Florida. The victim’s husband found her severely injured on the roadside while attempting to rescue her from the animals, which were reportedly dragging her along the road. Neighbors stated that previous complaints regarding the dogs’ aggressive behavior had been filed with animal control, and authorities have now seized the animals as investigations continue.
