സെരായ്കേല: ജാർഖണ്ഡിലെ സെരായ്കേല-ഖർസവാൻ ജില്ലയിൽ ഓടുന്ന തീവണ്ടിയിൽ നിന്ന് സ്വന്തം കുഞ്ഞിനെ പുറത്തേക്ക് എറിഞ്ഞു കൊലപ്പെടുത്തിയ കേസിൽ അമ്മ അറസ്റ്റിൽ. ഒന്നരമാസം മാത്രം പ്രായമുള്ള ആൺകുഞ്ഞിനെയാണ് ക്രൂരമായി കൊലപ്പെടുത്തിയത്.(Jharkhand Woman Arrested For Throwing Infant To Death From Speeding Train)
ബുധനാഴ്ച രാത്രിയോടെയാണ് രാജ്യത്തെ ഞെട്ടിച്ച ഈ ദാരുണ സംഭവം നടന്നതെന്ന് മുതിർന്ന പോലീസ് ഉദ്യോഗസ്ഥൻ സ്ഥിരീകരിച്ചു. ഖർസവാൻ പോലീസ് സ്റ്റേഷൻ പരിധിയിലെ രാജ്ഖർസവാൻ, മഹാലിമാരുപ് റെയിൽവേ സ്റ്റേഷനുകൾക്കിടയിലൂടെ ട്രെയിൻ അതിവേഗത്തിൽ കടന്നുപോകുമ്പോഴാണ് സ്ത്രീ കുഞ്ഞിനെ ജനലിലൂടെ പുറത്തേക്ക് എറിഞ്ഞത്.
കുഞ്ഞ് സംഭവസ്ഥലത്തുതന്നെ മരണപ്പെടുകയായിരുന്നു. ട്രെയിൻ കടന്നുപോയതിന് പിന്നാലെ ട്രാക്കിന് സമീപം കണ്ടെത്തിയ കുഞ്ഞിന്റെ മൃതദേഹം പോലീസ് ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി മാറ്റിയിട്ടുണ്ട്. തീവണ്ടിയിലെ മറ്റ് യാത്രക്കാരുടെ മൊഴികളുടെയും പ്രാഥമിക വിവരങ്ങളുടെയും അടിസ്ഥാനത്തിലാണ് റെയിൽവേ പോലീസും പ്രാദേശിക പോലീസും ചേർന്ന് സ്ത്രീയെ അറസ്റ്റ് ചെയ്തത്.
Story Summary
A woman was arrested in Jharkhand’s Seraikela-Kharsawan district for allegedly throwing her one-and-a-half-month-old baby boy to death from a speeding train. The shocking incident took place between Rajkharsawan and Mahalimarup railway stations on Wednesday night. Police recovered the infant’s body from near the railway tracks and are interrogating the mother to find out the motive behind the crime.
