ബീജിങ്: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ചൈന സന്ദർശനത്തിനിടെ പ്രമുഖ വ്യവസായി ഇലോൺ മസ്കിനെ നിരീക്ഷിക്കാൻ ചൈനീസ് സൈന്യത്തിലെ ഉന്നത ഉദ്യോഗസ്ഥ വെയിട്രസ്സായി വേഷം മാറിയെന്ന ഗുരുതര ആരോപണവുമായി സ്വതന്ത്ര ബ്ലോഗർ ജെന്നിഫർ സെങ് (Chinese Waitress Spy Elon Musk). ബീജിങ്ങിൽ ട്രംപിന്റെ ബഹുമാനാർത്ഥം ചൈനീസ് കമ്മ്യൂണിസ്റ്റ് പാർട്ടി സംഘടിപ്പിച്ച ഔദ്യോഗിക വിരുന്നിൽ ഇലോൺ മസ്കിന് തൊട്ടുപിന്നിൽ നിന്ന വെയിട്രസ് സാധാരണക്കാരിയല്ലെന്നും, അവർ ചൈനീസ് പീപ്പിൾസ് ലിബറേഷൻ ആർമിയിലെ പ്രമുഖ ഉദ്യോഗസ്ഥയാണെന്നുമാണ് ജെന്നിഫർ സെങ്ങിന്റെ അവകാശവാദം.
വിരുന്നിൽ പങ്കെടുത്ത രണ്ട് വനിതാ സർവർമാരുടെ ചിത്രങ്ങൾ ചൈനീസ് സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ടെന്ന് വ്യക്തമാക്കിയാണ് ജെന്നിഫർ സെങ് ഈ ചാരവൃത്തി ആരോപണം ഉന്നയിച്ചിരിക്കുന്നത്. മസ്കിന് പിന്നിൽ ചുവന്ന വസ്ത്രം ധരിച്ചു നിന്ന വെയിട്രസ് യഥാർത്ഥത്തിൽ ചൈനീസ് സൈന്യത്തിന്റെ ഹോണർ ഗാർഡ് സെറിമോണിയൽ ബ്രിഗേഡിലെ ബറ്റാലിയൻ കമാൻഡറായ മേജർ ചെങ് ചെങ് (Cheng Cheng) ആണെന്ന് സെങ് തന്റെ എക്സ് ഹാൻഡിലിലൂടെ അവകാശപ്പെട്ടു. ചൈനീസ് മിലിട്ടറി ചടങ്ങുകളുടെ പ്രവർത്തന മാനുവലുകൾ തയ്യാറാക്കാൻ വരെ സഹായിച്ചിട്ടുള്ള ഉന്നത ഉദ്യോഗസ്ഥയാണ് ഇവരെന്നും, അവരുടെ ചുവന്ന വസ്ത്രത്തിനുള്ളിൽ ആയുധങ്ങൾ ഒളിപ്പിച്ചിട്ടുണ്ടാകാമെന്നും ബ്ലോഗർ ആരോപിക്കുന്നു.
ബീജിങ് ഭരണകൂടത്തിനെതിരെ ജെന്നിഫർ സെങ് ഇത്തരം ചാരവൃത്തി ആരോപണങ്ങൾ ഉന്നയിക്കുന്നത് ഇതാദ്യമല്ല. കാനഡയിൽ ഖാലിസ്ഥാനി ഭീകരൻ ഹർദീപ് സിംഗ് നിജ്ജാർ കൊല്ലപ്പെട്ടതിന് പിന്നിൽ ചൈനയാണെന്നും ഇന്ത്യയെയും പാശ്ചാത്യ രാജ്യങ്ങളെയും തമ്മിൽ തെറ്റിക്കാനാണ് ചൈന ഇത് ചെയ്തതെന്നും 2023-ൽ ഇവർ ആരോപിച്ചിരുന്നു. എന്നാൽ ഇലോൺ മസ്കിനെതിരെയുള്ള പുതിയ ചാരവൃത്തി ആരോപണങ്ങൾ സ്വതന്ത്രമായി സ്ഥിരീകരിക്കാൻ അന്താരാഷ്ട്ര വാർത്താ ഏജൻസികൾക്ക് കഴിഞ്ഞിട്ടില്ല. വിഷയത്തിൽ ചൈനീസ് സർക്കാരും ഔദ്യോഗികമായി പ്രതികരിച്ചിട്ടില്ലെങ്കിലും പാശ്ചാത്യ രാഷ്ട്രീയ-സാങ്കേതിക നേതാക്കളെ നിരീക്ഷിക്കാൻ ചൈന ഇത്തരം രഹസ്യ ഏജന്റുമാരെ വിന്യസിക്കാറുള്ളതായി സുരക്ഷാ വിദഗ്ദ്ധർ ചൂണ്ടിക്കാണിക്കുന്നു.
Summary: Independent blogger Jennifer Zeng has accused China of deploying an elite military officer disguised as a waitress to spy on billionaire Elon Musk during US President Donald Trump’s state banquet in Beijing. Zeng shared images on social media claiming that the server standing behind Musk was Major Cheng Cheng, a highly decorated battalion commander in the PLA Honor Guard Ceremonial Brigade. While the Chinese government has not officially responded and these claims remain unverified, security experts note that Beijing has a well-documented history of placing deep-cover operatives around high-profile Western dignitaries and corporate tech executives.
