ബെയ്റൂട്ട്: അമേരിക്കയുടെ മധ്യസ്ഥതയിൽ താല്ക്കാലിക വെടിനിർത്തൽ 45 ദിവസത്തേക്ക് കൂടി നീട്ടിയെങ്കിലും ലബനനിൽ ഇസ്രായേലും ഹിസ്ബുള്ളയും തമ്മിലുള്ള ശക്തമായ യുദ്ധത്തിന് അയവില്ല (Israel Hezbollah War Lebanon Deaths). തെക്കൻ ലബനനിൽ ഇസ്രായേൽ വ്യോമാക്രമണം ശക്തമാക്കിയപ്പോൾ, ഇസ്രായേൽ സേനയ്ക്ക് നേരെ ഡ്രോൺ ആക്രമണങ്ങളുമായി ഹിസ്ബുള്ളയും തിരിച്ചടിച്ചു. മാർച്ച് 2-ന് യുദ്ധം ആരംഭിച്ചതുമുതൽ ഇതുവരെ ലബനനിൽ കൊല്ലപ്പെട്ടവരുടെ എണ്ണം 3,000 കടന്നതായി ലബനൻ ആരോഗ്യ മന്ത്രാലയം പുറത്തുവിട്ട ഏറ്റവും പുതിയ റിപ്പോർട്ടിൽ വ്യക്തമാക്കുന്നു. ഇതേ കാലയളവിൽ 22 സൈനികരും സിവിലിയന്മാരും തങ്ങൾക്ക് നഷ്ടപ്പെട്ടതായി ഇസ്രായേലും സ്ഥിരീകരിച്ചിട്ടുണ്ട്.
യു.എസ്-ഇറാൻ സംഘർഷത്തിന്റെ പശ്ചാത്തലത്തിൽ ഇസ്രായേലും ഇറാൻ പിന്തുണയുള്ള ഹിസ്ബുള്ളയും തമ്മിൽ ആരംഭിച്ച ഈ യുദ്ധം അവസാനിപ്പിക്കാൻ യുഎസ് പ്രസിഡന്റ് ഡൊണാൾഡ് ട്രംപ് ഏപ്രിൽ 16-നാണ് ആദ്യമായി വെടിനിർത്തൽ പ്രഖ്യാപിച്ചത്. എന്നാൽ നിലവിലുള്ള വെടിനിർത്തൽ കാലാവധി അവസാനിക്കാനിരിക്കെ, വെള്ളിയാഴ്ച വാഷിംഗ്ടണിൽ വെച്ച് ലബനനും ഇസ്രായേലും തമ്മിൽ നടന്ന മൂന്നാം വട്ട ചർച്ചയിലാണ് 45 ദിവസത്തേക്ക് കൂടി താല്ക്കാലിക വെടിനിർത്തൽ നീട്ടാൻ ധാരണയായത്. തിങ്കളാഴ്ച അർദ്ധരാത്രി മുതൽ ഇത് പ്രാബല്യത്തിൽ വന്നെങ്കിലും ഇരുപക്ഷവും ആക്രമണം തുടരുകയാണ്. ലബനൻ സർക്കാർ ചർച്ചകളിൽ പങ്കെടുക്കുന്നതിനെ ഹിസ്ബുള്ള ശക്തമായി എതിർക്കുന്നുണ്ട്. യു.എസ്-ഇറാൻ സമാധാന ചർച്ചകൾക്ക് മുന്നോടിയായി ഇസ്രായേൽ ലബനനിലെ ആക്രമണം പൂർണ്ണമായി നിർത്തണമെന്നാണ് ഇറാന്റെ പ്രധാന ആവശ്യം.
കഴിഞ്ഞദിവസം രാത്രി കിഴക്കൻ ലബനൻ നഗരമായ ബാൽബെക്കിന് സമീപം ഇസ്രായേൽ നടത്തിയ വ്യോമാക്രമണത്തിൽ ഹിസ്ബുള്ളയുടെ സഖ്യകക്ഷിയായ ഫലസ്തീൻ ഇസ്ലാമിക് ജിഹാദ് കമാൻഡർ വായേൽ മഹ്മൂദ് അബ്ദുൽ ഹലീമും മകളും കൊല്ലപ്പെട്ടു. സിവിലിയന്മാർക്ക് പരിക്കേൽക്കാതിരിക്കാൻ ശ്രദ്ധിച്ചിരുന്നുവെന്നാണ് ഇസ്രായേൽ സൈന്യം അവകാശപ്പെടുന്നതെങ്കിലും കമാൻഡറുടെ മകളുടെ മരണത്തെക്കുറിച്ച് അവർ പ്രതികരിച്ചിtട്ടില്ല. ഇതിന് പ്രതികാരമായി വടക്കൻ ഇസ്രായേലിലെ ഗലീലി മേഖലയിലുള്ള അയൺ ഡോം വ്യോമപ്രതിരോധ സംവിധാനത്തിന് നേരെ ഹിസ്ബുള്ള സ്ഫോടകവസ്തുക്കൾ നിറച്ച ഡ്രോൺ ആക്രമണം നടത്തി. കഴിഞ്ഞ 24 മണിക്കൂറിനുള്ളിൽ തെക്കൻ ലബനനിലെ മുപ്പതോളം ഹിസ്ബുള്ള കേന്ദ്രങ്ങൾ തകർത്തതായും അതിർത്തി ഗ്രാമങ്ങളിലെ ജനങ്ങളോട് ഒഴിഞ്ഞുപോകാൻ ആവശ്യപ്പെട്ടതായും ഇസ്രായേൽ അറിയിച്ചു. കൊല്ലപ്പെട്ട 3,020 ലബനൻ പൗരന്മാരിൽ 619 പേർ സ്ത്രീകളും കുട്ടികളും ആരോഗ്യപ്രവർത്തകരുമാണ്. ഇതിൽ എത്ര ഹിസ്ബുള്ള പോരാളികൾ ഉൾപ്പെട്ടിട്ടുണ്ടെന്ന് മന്ത്രാലയം വ്യക്തമാക്കിയിട്ടില്ല.
Summary: Hostilities between Israel and Hezbollah persist in Lebanon despite a freshly implemented 45-day extension of a U.S.-backed ceasefire. Lebanon’s health ministry reported on Monday that the death toll has surpassed 3,000 since the war broke out on March 2, tracking at 3,020 fatalities including 619 women, children, and healthcare workers. Concurrently, Israel confirmed losing 22 soldiers and civilians in the same timeframe.
