തിരുവനന്തപുരം: എറണാകുളം ജങ്ഷൻ റെയിൽവേ സ്റ്റേഷൻ യാർഡിലെ അടിയന്തര നവീകരണ ജോലികൾ പ്രമാണിച്ച് ആലപ്പുഴ വഴിയുള്ള രാത്രികാല ട്രെയിൻ സർവീസുകളിൽ താൽക്കാലിക റൂട്ട് മാറ്റം. ഈ മാസം 27 മുതൽ ജൂൺ 3 വരെയുള്ള ദിവസങ്ങളിലാണ് ട്രെയിനുകൾ കോട്ടയം വഴി തിരിച്ചുവിടുന്നത്.(Train routes diverted via Kottayam due to Ernakulam Junction yard maintenance work)
ആലപ്പുഴ വഴി പതിവായി യാത്ര ചെയ്യുന്നവർ ഈ ദിവസങ്ങളിൽ ട്രെയിൻ സമയവും റൂട്ടും ശ്രദ്ധിക്കണമെന്ന് റെയിൽവേ അധികൃതർ അറിയിച്ചു. ഗുരുവായൂർ – ചെന്നൈ എഗ്മോർ എക്സ്പ്രസ് (16128) ഈ മാസം 27 മുതൽ ജൂൺ 3 വരെയുള്ള സർവീസുകൾ ആലപ്പുഴയ്ക്ക് പകരം കോട്ടയം വഴിയായിരിക്കും ഓടുക. ഈ ട്രെയിനിന് കോട്ടയം, ചങ്ങനാശ്ശേരി, ചെങ്ങന്നൂർ, തിരുവല്ല എന്നീ സ്റ്റേഷനുകളിൽ താൽക്കാലിക സ്റ്റോപ്പുകൾ അനുവദിച്ചിട്ടുണ്ട്.
തിരുവനന്തപുരം നോർത്ത് – മംഗളൂരു അന്ത്യോദയ എക്സ്പ്രസ് (16312) മംഗളൂരുവിലേക്കുള്ള ഈ പ്രത്യേക സർവീസും കോട്ടയം വഴിയാണ് തിരിച്ചുവിടുന്നത്. ഈ മാസം 28, 30 തീയതികളിലെ സർവീസുകൾക്ക് മാത്രമാണ് നിലവിൽ ഈ റൂട്ട് മാറ്റം ബാധകമാവുക.
Story Summary
Due to ongoing yard work at the Ernakulam Junction, several night trains operating via Alappuzha will be diverted through Kottayam from May 27 to June 3. This includes the Guruvayur-Chennai Express, which will have temporary stops at Kottayam, Changanassery, Chengannur, and Thiruvalla, and the Thiruvananthapuram North-Mangaluru Antyodaya Express on select dates.
