കൊച്ചി: കേരളത്തിന്റെ പുതിയ മുഖ്യമന്ത്രിയായി തിരഞ്ഞെടുക്കപ്പെട്ട വി.ഡി. സതീശനെ പ്രശംസിച്ച് നടി റിനി ആൻ ജോർജ് (Rini Ann George VD Satheesan Post). ഓരോ തവണ തകർക്കാൻ ശ്രമിക്കുമ്പോഴും കരുത്തോടെ ഉയർന്നു വന്ന നേതാവാണ് സതീശനെന്ന് റിനി തന്റെ ഫേസ്ബുക്ക് കുറിപ്പിൽ വ്യക്തമാക്കി.
“നിങ്ങൾ എല്ലാവരും കൂടി കുഴിച്ചുമൂടാൻ നോക്കിയ ഒരുത്തൻ ഇല്ലേ, നിങ്ങൾ ഓരോ തവണ താഴ്ത്താൻ ശ്രമിച്ചപ്പോഴും ഉയർന്നു വന്ന ഒരുത്തൻ. കെടുത്താൻ ശ്രമിച്ചപ്പോഴൊക്കെ ആളിപ്പടർന്നവൻ,” എന്നിങ്ങനെയാണ് സതീശന്റെ രാഷ്ട്രീയ അതിജീവനത്തെ താരം വിശേഷിപ്പിച്ചത്.
വനവാസമല്ല ഇനി പട്ടാഭിഷേകമാണെന്നും, പത്മനാഭന്റെ മണ്ണിൽ ഇനി തന്റെ ശ്രീ പത്മനാഭൻ വാഴുമെന്നും റിനി കുറിച്ചു.
വി.ഡി. സതീശനുമായി അടുത്ത വ്യക്തിബന്ധം സൂക്ഷിക്കുന്ന റിനി, നേരത്തെയും അദ്ദേഹത്തിന് പിന്തുണയുമായി രംഗത്തെത്തിയിട്ടുണ്ട്. സതീശൻ മുഖ്യമന്ത്രിയായി സത്യപ്രതിജ്ഞ ചെയ്യുന്ന ദിവസത്തിനായി കാത്തിരിക്കുകയാണെന്ന് കഴിഞ്ഞ ദിവസങ്ങളിലും താരം സോഷ്യൽ മീഡിയയിൽ പങ്കുവെച്ചിരുന്നു.
മെയ് 18-ന് നടക്കുന്ന സത്യപ്രതിജ്ഞാ ചടങ്ങോടെ പുതിയ ഭരണനേതൃത്വം അധികാരമേൽക്കാനിരിക്കെ, സിനിമാ-മോഡലിംഗ് രംഗത്തുനിന്നും നിരവധി പേരാണ് നിയുക്ത മുഖ്യമന്ത്രിക്ക് അഭിനന്ദനങ്ങളുമായി എത്തുന്നത്.
News Summary: Actress and model Rini Ann George shared an emotional post congratulating Kerala’s designated Chief Minister, V.D. Satheesan. In her post, she highlighted Satheesan’s resilience, stating that he rose stronger every time others tried to suppress him. Referring to his upcoming swearing-in as a “coronation” (Pattabhishekam) after a long wait, Rini expressed her joy and support for the leader, with whom she shares a close bond.
