ചെന്നൈ: തന്റെ പുതിയ ചിത്രമായ ‘സത്തെന്നു മാറുതു വാനിലൈ’എന്ന സിനിമയിൽ തമിഴ്നാട് മുഖ്യമന്ത്രി വിജയ്യുടെ സ്വാധീനത്തെക്കുറിച്ച് മനസ്സ് തുറന്ന് നടൻ ജയ്. ചിത്രത്തിന്റെ പ്രസ് മീറ്റിലാണ് താരം വിശേഷങ്ങൾ പങ്കുവെച്ചത്. (Sattendru Maarudhu Vaanilai Actor Jai)
സിനിമയിൽ വിജയ് അണ്ണന്റെ ശരീരഭാഷയും സംസാരശൈലിയും ജയ് അനുകരിക്കുന്നുണ്ട്. ഇതിനെക്കുറിച്ച് ചോദിച്ചപ്പോൾ, ചിത്രത്തിൽ താൻ ഒരു വിജയ് ആരാധകനായാണ് അഭിനയിക്കുന്നതെന്നും സിനിമയുടെ ആദ്യ പകുതിയിൽ മാത്രമാണ് ഈ സാമ്യമുള്ളതെന്നും ജയ് വ്യക്തമാക്കി. ബാബു വിജയ് സംവിധാനം ചെയ്യുന്ന ചിത്രം ഒരു റൊമാന്റിക് ത്രില്ലറാണ്. മീനാക്ഷി ഗോവിന്ദരാജൻ അവതരിപ്പിക്കുന്ന നായികയെ തട്ടിക്കൊണ്ടുപോകുന്നതും, അതിനുപിന്നിലെ കുറ്റകൃത്യങ്ങളുടെ ചുരുളഴിക്കുന്നതുമാണ് സിനിമയുടെ കഥ. വെട്രിമാരൻ, മുരുകദോസ്, മണിരത്നം ചിത്രങ്ങളുടെ ഒരു മിശ്രിതമായിരിക്കും ഈ സിനിമയെന്ന് സംവിധായകൻ പറഞ്ഞു.
തമിഴ്നാട് നിയമസഭാ തെരഞ്ഞെടുപ്പിന് മുന്നോടിയായി വിജയ്യുടെ പാർട്ടിയായ തമിഴക വെട്രി കഴകത്തിന് വേണ്ടി ജയ് പ്രചാരണം നടത്തിയിരുന്നു. യോഗി ബാബു, സത്യൻ, ഗരുഡ റാം, ശ്രീമാൻ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ഗിരീഷ് ഗോപാലകൃഷ്ണനാണ് സംഗീതം. മെയ് 15-നാണ് ചിത്രം തിയേറ്ററുകളിൽ എത്തുന്നത്. സൂര്യ-ആർ.ജെ. ബാലാജി ചിത്രം ‘കറുപ്പു’മായിട്ടാണ് ബോക്സ് ഓഫീസിൽ ഈ സിനിമ മത്സരിക്കുക.
Summary: Actor Jai, at the press meet for his upcoming film ‘Sattendru Maarudhu Vaanilai’, explained that he portrays a fan of Chief Minister Vijay in the movie, which is why his character shares similar body language and mannerisms. The film, directed by Babu Vijay, is a romantic thriller set for release on May 15, clashing with Suriya’s ‘Karuppu’.
