തിരുവനന്തപുരം: പത്തനാപുരം നിയോജക മണ്ഡലത്തിൽ കെ.ബി. ഗണേഷ് കുമാർ പരാജയപ്പെട്ട വാർത്ത പടക്കം പൊട്ടിച്ചും പായസം വിതരണം ചെയ്തും ആഘോഷിച്ച് ഡ്രൈവിംഗ് സ്കൂൾ ഉടമകളും ജീവനക്കാരും. തിരുവനന്തപുരം മുട്ടത്തറ ഡ്രൈവിംഗ് ടെസ്റ്റ് ഗ്രൗണ്ടിലായിരുന്നു ഉടമകളുടെ നേതൃത്വത്തിൽ വേറിട്ട ആഘോഷം നടന്നത്. പായസം വെച്ചും ബോളി വിതരണം ചെയ്തുമാണ് അവർ ഗണേഷ് കുമാറിന്റെ പരാജയത്തിലുള്ള സന്തോഷം പങ്കുവെച്ചത്.(Driving School Owners Celebrate KB Ganesh Kumar Election Defeat 2026)
ഗതാഗത മന്ത്രി എന്ന നിലയിൽ ഗണേഷ് കുമാർ നടപ്പിലാക്കിയ പരിഷ്കാരങ്ങൾ ഡ്രൈവിംഗ് സ്കൂൾ മേഖലയെ തകർക്കുന്നതായിരുന്നു എന്ന് ഉടമകൾ ആരോപിക്കുന്നു. സാധാരണക്കാരായ ഉടമകളുടെ സ്ഥാപനങ്ങൾ പൂട്ടിക്കുക എന്നതായിരുന്നു മന്ത്രിയുടെ ലക്ഷ്യമെന്ന് അവർ പരാതിപ്പെട്ടു.
തങ്ങളുടെ കീഴിൽ പഠിക്കുന്നവരുടെ വിജയശതമാനം കുറയ്ക്കുമ്പോൾ, മന്ത്രിക്ക് താല്പര്യമുള്ള കേന്ദ്രങ്ങളിൽ കൂടുതൽ പേരെ പാസാക്കുന്നുവെന്ന ഗുരുതര ആരോപണവും ഇവർ ഉയർത്തി. ഓട്ടോമാറ്റിക് ടെസ്റ്റിംഗ് കേന്ദ്രങ്ങൾ എന്ന് പ്രഖ്യാപിച്ചെങ്കിലും പലയിടത്തും ക്യാമറകളോ മൈക്കോ പ്രവർത്തിക്കുന്നില്ല. ഗ്രൗണ്ടിലെ കാട് വെട്ടിത്തെളിക്കാൻ പോലും ഉടമകളിൽ നിന്ന് പണം പിരിക്കേണ്ടി വരുന്നുവെന്നും അവർ പറഞ്ഞു.
Story Summary
Driving school owners and employees celebrated the election defeat of Transport Minister KB Ganesh Kumar in Pathanapuram by distributing payasam and bursting crackers at Muttathara test ground. They alleged that the minister’s policies were aimed at destroying small-scale driving schools and that he refused to address their grievances.
