കോഴിക്കോട്: കോടഞ്ചേരി പതങ്കയം വെള്ളച്ചാട്ടത്തിൽ കുളിക്കാനിറങ്ങിയ 17-കാരന് ദാരുണാന്ത്യം. ചെറുവണ്ണൂർ കൊളത്തറ സ്വദേശിയാണ് മരിച്ചത്. ഞായറാഴ്ച ഉച്ചയ്ക്ക് പന്ത്രണ്ട് മണിയോടെയായിരുന്നു അപകടം. (Plus One student drowns in Pathankayam waterfalls Kozhikode news
രണ്ട് സുഹൃത്തുക്കൾക്കൊപ്പമാണ് കുട്ടി വെള്ളച്ചാട്ടം സന്ദർശിക്കാനെത്തിയത്. സുഹൃത്തുക്കൾ വെള്ളത്തിൽ ഇറങ്ങിയപ്പോൾ ആദ്യം വിട്ടുനിന്ന വിദ്യാർത്ഥി പിന്നീട് കുളിക്കാനിറങ്ങുകയായിരുന്നു എന്നാണ് പ്രാഥമിക വിവരം. സുഹൃത്തുക്കൾ കരയ്ക്ക് കയറി നോക്കിയപ്പോൾ കാണാതായതോടെയാണ് അപകടവിവരം പുറത്തറിയുന്നത്.
തുടർന്ന് സുഹൃത്തുക്കൾ ബഹളം വെച്ചതോടെ നാട്ടുകാരും മുക്കം പൊലീസും സ്ഥലത്തെത്തി തിരച്ചിൽ ആരംഭിച്ചു. മുക്കം അഗ്നിരക്ഷാ സേനയ്ക്ക് വിവരം കൈമാറുകയും അവർ സ്ഥലത്തെത്തുകയും ചെയ്തെങ്കിലും, അതിനുമുമ്പ് തന്നെ നാട്ടുകാർ മൃതദേഹം കണ്ടെത്തുകയായിരുന്നു. മൃതദേഹം തുടർ നടപടികൾക്കായി ആശുപത്രിയിലേക്ക് മാറ്റി.
Story Summary
A 17-year-old student named Shabil from Cheruvannur drowned while bathing in the Pathankayam waterfalls in Kozhikode. Despite a combined search effort by locals and the Mukkom police, his life could not be saved, and his body was recovered shortly after the incident.
