ചെന്നൈ: തമിഴ്നാട് നിയമസഭാ തിരഞ്ഞെടുപ്പിന്റെ ഫലം വരാൻ ദിവസങ്ങൾ മാത്രം ബാക്കിനിൽക്കെ, നടൻ വിജയിയുടെ പാർട്ടിയായ തമിഴക വെട്രി കഴകത്തിന്റെ (TVK) തിരഞ്ഞെടുപ്പ് ഓഫീസിന് നേരെ ആക്രമണം ( TVK Office Attack). പേട്ടവയത്തലൈയിലുള്ള ടിവികെ സ്ഥാനാർത്ഥി രമേശിന്റെ ഓഫീസിനാണ് വെള്ളിയാഴ്ച (മെയ് 1, 2026) പുലർച്ചെ അജ്ഞാതർ തീയിട്ടത്.
ഓഫീസിനുള്ളിലുണ്ടായിരുന്ന പ്രചാരണ സാമഗ്രികളും ബാനറുകളും പൂർണ്ണമായും വലിച്ചുകീറിയ നിലയിലാണ്. ഇതിനുശേഷമാണ് അക്രമിസംഘം ഓഫീസിന് തീയിട്ടത്. വെള്ളിയാഴ്ച രാവിലെ പ്രവർത്തകർ എത്തിയപ്പോഴാണ് ഓഫീസ് കത്തിയ നിലയിൽ കണ്ടെത്തിയത്. സംഭവത്തിൽ ടിവികെ നേതൃത്വം പോലീസിൽ പരാതി നൽകി.
ശ്രീരംഗം നിയമസഭാ മണ്ഡലത്തിന്റെ ഭാഗമായ ഇവിടെ വോട്ടെണ്ണൽ സുരക്ഷിതമായ അന്തരീക്ഷത്തിൽ നടത്താൻ സാധിക്കുമോ എന്ന് സ്ഥാനാർത്ഥി രമേശ് ആശങ്ക പ്രകടിപ്പിച്ചു. തിരഞ്ഞെടുപ്പ് ഫലം വരാൻ മൂന്ന് ദിവസം മാത്രം ബാക്കിനിൽക്കെ നടന്ന ഈ ആക്രമണം രാഷ്ട്രീയ ഗൂഢാലോചനയാണെന്ന് ടിവികെ പ്രവർത്തകർ ആരോപിച്ചു.
സംഭവസ്ഥലത്തെ സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ആരംഭിച്ചിട്ടുണ്ട്. വോട്ടെണ്ണൽ അടുത്ത സാഹചര്യത്തിൽ പ്രദേശത്ത് കൂടുതൽ പോലീസിനെ വിന്യസിച്ചു. തമിഴ്നാട് രാഷ്ട്രീയത്തിൽ വിജയിന്റെ പാർട്ടിയുടെ കടന്നുവരവ് വലിയ ചർച്ചയായ തിരഞ്ഞെടുപ്പിൽ ഇത്തരം അക്രമങ്ങൾ വോട്ടെണ്ണൽ ദിനത്തിലും സംഘർഷത്തിന് കാരണമാകുമോ എന്ന ആശങ്കയിലാണ് അധികൃതർ.
Story Summary: The election committee office of Thalapathy Vijay’s party, Tamilaga Vettri Kazhagam (TVK), was set on fire by unidentified individuals in Pettavaithalai. TVK candidate Ramesh’s office was attacked, and campaign materials were destroyed. The incident occurred just three days before the West Bengal and potentially other regional election results. Police have launched an investigation using CCTV footage.
