കോൽക്കത്ത: പശ്ചിമ ബംഗാളിലെ കൃഷ്ണനഗറിൽ തൃണമൂൽ കോൺഗ്രസ് (TMC) എംപി മഹുവ മൊയ്ത്രയ്ക്ക് നേരെ പ്രതിഷേധക്കാരുടെ കടുത്ത ആക്രമണവും മുട്ടയേറും (Mahua Moitra TMC MP Attacked Bengal). കൃഷ്ണനഗറിലെ ഒരു പ്രമുഖ ഭക്ഷണശാലയിൽ വെച്ച് പാർട്ടി പ്രവർത്തകരുമായി മഹുവ അടിയന്തര യോഗം ചേരുന്നതിനിടെയാണ് ഒരു കൂട്ടം ആളുകൾ കരിങ്കൊടികളുമായി ഇരച്ചെത്തി ‘ഗോ ബാക്ക്’ വിളികളോടെ അക്രം അഴിച്ചുവിട്ടത്.
കെട്ടിടത്തിന് പുറത്തുതടിച്ചുകൂടിയ വൻ ആൾക്കൂട്ടം ഭക്ഷണശാലയുടെ ജനാലകൾക്ക് നേരെ വ്യാപകമായി മുട്ടയും വഴുതനങ്ങയും ഉൾപ്പെടെയുള്ള സാധനങ്ങൾ എറിയുകയായിരുന്നു. ഭക്ഷണശാലയുടെ മുകൾനിലയിൽ നിന്നും മഹുവ മൊയ്ത്ര തന്നെയാണ് തനിക്ക് നേരെ നടക്കുന്ന ഈ പ്രതിഷേധത്തിന്റെ തത്സമയ ദൃശ്യങ്ങൾ ഫേസ്ബുക്ക് ലൈവിലൂടെ (Facebook Live) പുറത്തുവിട്ടത്. ജനാല തകർത്ത് സാധനങ്ങൾ അകത്തേക്ക് വീഴാതിരിക്കാൻ കർട്ടൻ ഉപയോഗിച്ച് അവർ പ്രതിരോധിക്കുന്നതും ദൃശ്യങ്ങളിൽ വ്യക്തമാണ്.
തനിക്കെതിരെ കൃഷ്ണനഗറിൽ നടന്നത് സാധാരണക്കാരായ പൊതുജനങ്ങളുടെ പ്രതിഷേധമല്ലെന്നും, ബിജെപി (BJP) കൃത്യമായി ആസൂത്രണം ചെയ്ത് നടപ്പാക്കിയ ഗുണ്ടാവിളയാട്ടമാണെന്നും മഹുവ മൊയ്ത്ര ആരോപിച്ചു. അക്രമികൾ തടിച്ചുകൂടി പരസ്യമായി അക്രമം നടത്തിയിട്ടും അവരെ പിരിച്ചുവിടാൻ തയ്യാറാകാതെ പശ്ചിമ ബംഗാൾ പോലീസും കേന്ദ്ര സുരക്ഷാ സേനയായ സിആർപിഎഫും (CRPF) നോക്കുകുത്തികളായി നോക്കിനിൽക്കുകയായിരുന്നുവെന്നും മഹുവ കടുത്ത ഭാഷയിൽ കുറ്റപ്പെടുത്തി. സംഭവത്തെ തുടർന്ന് കൃഷ്ണനഗറിൽ തൃണമൂൽ-ബിജെപി പ്രവർത്തകർ തമ്മിൽ വൻ രാഷ്ട്രീയ സംഘർഷം നിലനിൽക്കുകയാണ്.
Story Summary:
TMC MP Mahua Moitra faced violent protests including egg-pelting during a party meeting at a restaurant in Krishnanagar, West Bengal. Sharing the live visuals on Facebook, Moitra alleged that it was a planned attack by BJP goons while West Bengal Police and CRPF remained silent spectators.
