പാലക്കാട്: പിതാവിനൊപ്പം ഗുഡ്സ് ഓട്ടോയിൽ യാത്ര ചെയ്യുന്നതിനിടെ വാഹനം നിയന്ത്രണം വിട്ട് റോഡിലേക്ക് തെറിച്ചുവീണ ആറുവയസ്സുകാരൻ മരിച്ചു (Palakkad News Chalissery Accident). ചാലിശ്ശേരി ആലിക്കരയിൽ വെള്ളിയാഴ്ച (മെയ് 1, 2026) ഉച്ചയോടെയായിരുന്നു അപകടം. കോതച്ചിറ പുത്തൻപീടികയിൽ ഹനീഫയുടെ മകൻ മുഹമ്മദ് ഹൈസിനാണ് മരിച്ചത്.
പിതാവ് ഹനീഫയോടൊപ്പം ഗുഡ്സ് ഓട്ടോയുടെ മുൻവശത്തിരുന്ന് യാത്ര ചെയ്യുകയായിരുന്നു ഹൈസിൻ. യാത്രയ്ക്കിടെ അപ്രതീക്ഷിതമായി വാഹനത്തിന്റെ ഡോർ തുറന്നുപോവുകയും കുട്ടി റോഡിലേക്ക് തെറിച്ചുവീഴുകയുമായിരുന്നു. വീണ ഉടൻ തന്നെ വാഹനത്തിന്റെ പിൻചക്രം കുട്ടിയുടെ ദേഹത്തുകൂടി കയറിയിറങ്ങി. ഉടൻതന്നെ പെരുമ്പിലാവിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഹനീഫയുടെയും ഹസീനയുടെയും ഏക മകനാണ് ഹൈസിൻ. ഹിസാന, ഹസ്ന എന്നിവർ സഹോദരിമാരാണ്. കുരുന്നിന്റെ അപ്രതീക്ഷിത വിയോഗം നാടിനെ ഒന്നടങ്കം സങ്കടത്തിലാഴ്ത്തി. ചാലിശ്ശേരി പോലീസ് സ്ഥലത്തെത്തി മേൽനടപടികൾ സ്വീകരിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.
Story Summary: A six-year-old boy, Muhammed Hyzin, died after falling from a moving goods auto in Chalissery, Palakkad. The accident occurred when the vehicle’s door unexpectedly opened, causing the child to fall onto the road and under the vehicle’s rear wheel. Despite being rushed to a hospital, his life could not be saved.
