മുംബൈ : മീരാ റോഡിലെ കൊലപാതക വാർത്തയുടെ ഞെട്ടൽ മാറും മുൻപേ മുംബൈയിൽ വീണ്ടും ദാരുണമായ ആക്രമണം (Mumbai Crime). അഗ്രിപാഡ മേഖലയിൽ തന്നെ പരിഹസിച്ചു എന്നാരോപിച്ച് കടയുടമയെ യുവാവ് ക്രൂരമായി കുത്തിപ്പരിക്കേൽപ്പിച്ചു. അഞ്ചോ ആറോ തവണയാണ് പ്രതി കടയുടമയുടെ ശരീരത്തിൽ കത്തികൊണ്ട് കുത്തിയത്.
പോലീസ് നൽകുന്ന വിവരമനുസരിച്ച്, പ്രതിയും കടയുടമയും തമ്മിൽ നേരത്തെ വ്യക്തിപരമായ തർക്കങ്ങളൊന്നുമുണ്ടായിരുന്നില്ല. എന്നാൽ കടയുടമ തന്നെ നോക്കി പരിഹസിച്ചു എന്ന അനാവശ്യ സംശയമാണ് അക്രമിയെ പ്രകോപിപ്പിച്ചത്. യാതൊരു പ്രകോപനവുമില്ലാതെ കടയിലേക്ക് കയറിച്ചെന്ന പ്രതി തന്റെ കൈവശമുണ്ടായിരുന്ന കത്തി ഉപയോഗിച്ച് കടയുടമയെ തുടർച്ചയായി കുത്തുകയായിരുന്നു.
ആക്രമണത്തിൽ ഗുരുതരമായി പരിക്കേറ്റ കടയുടമയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. അദ്ദേഹത്തിന്റെ ആരോഗ്യനില അതീവ ഗുരുതരമായി തുടരുകയാണെന്ന് ആശുപത്രി അധികൃതർ അറിയിച്ചു. സംഭവസ്ഥലത്തുനിന്ന് രക്ഷപ്പെടാൻ ശ്രമിച്ച പ്രതിയെ നാട്ടുകാരുടെ സഹായത്തോടെ പോലീസ് പിടികൂടി. കഴിഞ്ഞ ദിവസങ്ങളിൽ മുംബൈയുടെ വിവിധ ഭാഗങ്ങളിൽ സമാനമായ കത്തിയാക്രമണങ്ങൾ റിപ്പോർട്ട് ചെയ്തത് നഗരവാസികൾക്കിടയിൽ വലിയ ആശങ്കയ്ക്ക് കാരണമായിട്ടുണ്ട്.
Story Summary: A shopkeeper in Mumbai’s Agripada area was brutally stabbed multiple times by a man who suspected the victim was mocking him. The attacker has been taken into custody, while the victim remains in critical condition following the unprovoked assault.
