‘ടൈഗർ സിന്റാ ഹൈ’; പ്രീതി സിന്റയുടെ ടീമിന് സൽമാൻ ഖാന്റെ അഭിനന്ദനം, 12 വർഷത്തിന് ശേഷം മറുപടി കിട്ടിയെന്ന് ആരാധകർ | Salman Khan Preity Zinta IPL Tweet

ഐപിഎൽ ആവേശത്തിനിടയിൽ പ്രീതി സിന്റയുടെ പഞ്ചാബ് കിങ്‌സിനെ അഭിനന്ദിച്ചുകൊണ്ട് ബോളിവുഡ് സൂപ്പർ താരം സൽമാൻ ഖാൻ പങ്കുവെച്ച കുറിപ്പ് സോഷ്യൽ മീഡിയയിൽ വൈറലാകുന്നു (Salman Khan Preity Zinta IPL Tweet). സൺറൈസേഴ്‌സ് ഹൈദരാബാദിനെതിരെയുള്ള പഞ്ചാബിന്റെ വിജയത്തിന് പിന്നാലെയാണ് സൽമാൻ എക്‌സിലൂടെ പ്രീതിയെയും ടീമിനെയും പ്രശംസിച്ചത്. “നന്നായി കളിക്കുന്നു സിന്റാ, അഭിനന്ദനങ്ങൾ” എന്നായിരുന്നു സൽമാന്റെ ട്വീറ്റ്.

സൽമാൻ ഖാന്റെ ഈ പുതിയ പോസ്റ്റിന് പിന്നാലെ ആരാധകർ 2014-ൽ അദ്ദേഹം പങ്കുവെച്ച ഒരു പഴയ ട്വീറ്റ് കുത്തിപ്പൊക്കി. “സിന്റയുടെ ടീം ജയിച്ചോ? (Zinta’s team won kya?)” എന്നായിരുന്നു അന്ന് സൽമാൻ ചോദിച്ചിരുന്നത്. 12 വർഷത്തിന് ശേഷമാണെങ്കിലും ആ ചോദ്യത്തിന് സൽമാൻ തന്നെ ഇപ്പോൾ ഉത്തരം നൽകിയിരിക്കുകയാണെന്ന് ആരാധകർ തമാശരൂപേണ പറയുന്നു.

Sequel released after 12 years.

Tiger Zinta hai https://t.co/hFvBaosqrW pic.twitter.com/KuxOiOhot3

— Gabbar (@GabbbarSingh) April 13, 2026

സൽമാന്റെ ‘ടൈഗർ’ സിനിമകളെ മുൻനിർത്തി രസകരമായ കമന്റുകളാണ് പോസ്റ്റിന് താഴെ നിറയുന്നത്. “ടൈഗർ സിന്ദാ ഹൈ എന്നല്ല, ഇത് ടൈഗർ സിന്റാ ഹൈ ആണ്” എന്നാണ് ഒരു ആരാധകൻ കുറിച്ചത്. “ടൈഗറിന് സിന്റയെക്കുറിച്ച് ചിന്തയുണ്ട് (Tiger ko zinta ki chinta hai)” എന്നും കമന്റുകൾ വരുന്നുണ്ട്. സൽമാനും പ്രീതി സിന്റയും വർഷങ്ങളായി അടുത്ത സുഹൃത്തുക്കളാണ്. ‘ചോരി ചോരി ചുപ്‌കെ ചുപ്‌കെ’, ‘ഹർ ദിൽ ജോ പ്യാർ കരേഗ’ തുടങ്ങി നിരവധി ഹിറ്റ് സിനിമകളിൽ ഇരുവരും ഒന്നിച്ച് അഭിനയിച്ചിട്ടുണ്ട്.

സൽമാൻ ഖാന്റെ പുതിയ ചിത്രം ‘മാതൃഭൂമി’ ഓഗസ്റ്റിൽ റിലീസ് ചെയ്യുമെന്നാണ് റിപ്പോർട്ടുകൾ. 2020-ലെ ഗാൽവൻ വാലി സംഘർഷത്തെ ആസ്പദമാക്കിയുള്ളതാണ് ഈ ചിത്രം.

Summary: Salman Khan’s congratulatory tweet for Preity Zinta’s Punjab Kings following their IPL win has gone viral, with fans recalling his famous 2014 tweet asking if “Zinta’s team won.” After 12 years, the Internet is buzzing with “Tiger Zinta Hai” memes, celebrating the long-standing friendship between the two stars. Salman’s upcoming movie Maatrubhumi, based on the Galwan Valley clash, is expected to release in August.