Follow on Google News
പാലക്കാട്: പാലക്കാട് നിയമസഭാ മണ്ഡലത്തിൽ മത്സരിക്കുന്ന രമേശ് പിഷാരടിക്ക് വിജയമന്ത്രവുമായി ഉറ്റ സുഹൃത്ത് ധർമജൻ ബോൾഗാട്ടി (Dharmajan Bolgatty Ramesh Pisharody Palakkad). സിനിമയുമായുള്ള ബന്ധം വെച്ച് തനിക്ക് വോട്ട് വേണ്ടെന്ന നിലപാടാണ് പിഷാരടി സ്വീകരിച്ചിരുന്നതെന്ന് ധർമജൻ സോഷ്യൽ മീഡിയയിൽ പങ്കുവെച്ച കുറിപ്പിൽ പറയുന്നു.
“സിനിമ ബന്ധം വെച്ച് എനിക്ക് വോട്ട് വേണ്ടെന്നാണ് പിഷാരടി എന്നോട് പറഞ്ഞത്. പക്ഷേ, നിന്നെക്കാൾ മുൻപ് നിയമസഭയിലേക്ക് മത്സരിച്ച ആളാണ് ഞാൻ എന്ന് ഞാൻ അവനെ ഓർമ്മിപ്പിച്ചു. ഞാൻ അവിടെ വരാതിരുന്നാൽ ആളുകൾ അത് ചോദിക്കും. എന്തായാലും നാദിർഷ, കോട്ടയം നസീർ, കലാഭവൻ ഷാജോൺ, ജിന്റോ, ഹരി പി. നായർ എന്നിവർക്കൊപ്പം പാലക്കാട് എത്തി ഒരു സ്റ്റേജ് ഷോ നടത്തിയാണ് ഞങ്ങൾ മടങ്ങിയത്.” – ധർമജൻ പറഞ്ഞു.
നന്മയുള്ള, ആത്മാർത്ഥതയുള്ള, ദീർഘവീക്ഷണമുള്ള രമേശ് പിഷാരടി പാലക്കാടിന്റെ നായകനാകട്ടെ എന്ന് ധർമജൻ ആശംസിച്ചു. ‘പിഷൂന്റെ സ്വന്തം ധർമജൻ’ എന്ന പേരിലാണ് കുറിപ്പ് അവസാനിക്കുന്നത്.
സിനിമാ മേഖലയിൽ നിന്നുള്ള വലിയൊരു സുഹൃദ്വലയം തന്നെ പിഷാരടിക്ക് പിന്തുണയുമായി പാലക്കാട് സജീവമാണ്. രാഷ്ട്രീയത്തിന് അപ്പുറം വ്യക്തിപരമായ ബന്ധങ്ങൾക്കും സൗഹൃദങ്ങൾക്കും വലിയ പ്രാധാന്യം നൽകുന്ന സിനിമാ പ്രവർത്തകർ പിഷാരടിയുടെ വിജയത്തിനായി രംഗത്തുണ്ട്.
Story Summary:
Actor Dharmajan Bolgatty shared a heartfelt message for his best friend and UDF candidate for Palakkad, Ramesh Pisharody. Dharmajan revealed that Pisharody was initially hesitant to use his film connections for votes, preferring to be judged as a politician. However, Dharmajan and other fellow artists like Nadirshah and Kottayam Nazeer visited Palakkad to support him. Describing Pisharody as a visionary with a good soul, Dharmajan wished him success in the upcoming election.
