Follow on Google News
കൊച്ചി: ‘സെക്കൻഡ് ഷോ’ എന്ന ചിത്രത്തിലൂടെ മലയാള സിനിമയിലെത്തിയ ഗൗതമി നായർ തന്റെ വിവാഹമോചനത്തെക്കുറിച്ച് മനസ്സ് തുറക്കുന്നു (Gauthami Nair Divorce Reason). സംവിധായകൻ ശ്രീനാഥ് രാജേന്ദ്രനുമായുള്ള വേർപിരിയലിലേക്ക് നയിച്ച സാഹചര്യങ്ങളെക്കുറിച്ചും അതിനോടുള്ള വീട്ടുകാരുടെ പ്രതികരണത്തെക്കുറിച്ചും ഒരു അഭിമുഖത്തിലാണ് താരം വ്യക്തമാക്കിയത്. 2017-ലായിരുന്നു ഇവരുടെ വിവാഹം.
തങ്ങൾക്കിടയിൽ വലിയ പ്രശ്നങ്ങൾ ഉണ്ടായിട്ടല്ല പിരിഞ്ഞതെന്ന് ഗൗതമി പറയുന്നു. “ജീവിതത്തിൽ നിന്ന് ഞാൻ ആഗ്രഹിക്കുന്നതും അദ്ദേഹം ആഗ്രഹിക്കുന്നതും രണ്ട് വ്യത്യസ്ത കാര്യങ്ങളാണ്. പ്രശ്നങ്ങൾ ഉണ്ടായാൽ മാത്രമേ പിരിയാവൂ എന്നില്ല. പരസ്പരം സംസാരിച്ച് കാര്യങ്ങൾ ബോധ്യപ്പെട്ടപ്പോൾ സുഹൃത്തുക്കളായി തുടരാമെന്ന് തീരുമാനിക്കുകയായിരുന്നു,” ഗൗതമി പറഞ്ഞു.നിലവിൽ തങ്ങൾ നല്ല സുഹൃത്തുക്കളാണെന്നും താരം കൂട്ടിചേർത്തു.
തങ്ങൾക്കിടയിലെ പ്രശ്നം എന്താണെന്ന് മാതാപിതാക്കൾക്ക് പോലും ഇപ്പോഴും കൃത്യമായി അറിയില്ലെന്ന് താരം വെളിപ്പെടുത്തി.
പ്രശ്നങ്ങൾ പരിഹരിച്ച് കൂടെക്കൂടെ എന്ന് അച്ഛനും അമ്മയും ചോദിച്ചിരുന്നു. എന്നാൽ ബന്ധത്തിൽ സന്തോഷവാനല്ലെങ്കിൽ വെറുതെ സമയം കളയുന്നതിൽ കാര്യമില്ലെന്ന് അവർക്ക് പിന്നീട് ബോധ്യപ്പെട്ടു.
കാര്യങ്ങൾ മനസ്സിലാക്കിയപ്പോൾ കൂടുതൽ നിർബന്ധിക്കാൻ വീട്ടുകാർ തയ്യാറായില്ലെന്നും താരം പറഞ്ഞു.
‘ഡയമണ്ട് നെക്ലേസ്’, ‘ചാപ്റ്റേഴ്സ്’, ‘കൂതറ’ തുടങ്ങിയ ചിത്രങ്ങളിലൂടെ പ്രേക്ഷകർക്ക് പ്രിയങ്കരിയായ ഗൗതമി, പഠനത്തിന് വേണ്ടിയാണ് സിനിമയിൽ നിന്ന് വിട്ടുനിന്നത്. ഇപ്പോൾ വീണ്ടും അഭിനയരംഗത്ത് സജീവമാകാനുള്ള ഒരുക്കത്തിലാണ് താരം.
Story Summary:
Actress Gauthami Nair opens up about her divorce from filmmaker Srinath Rajendran, stating that they decided to part ways because they had different goals in life and were not happy in the relationship. She emphasized that there were no major conflicts, and even her parents are unaware of any specific “issue.” The couple, who married in 2017, remains on friendly terms. Gauthami, known for films like Diamond Necklace, is planning a return to the silver screen after a break.
