കൊച്ചി: മഞ്ഞുമ്മൽ ബോയ്സിന് ശേഷം ചിദംബരം സംവിധാനം ചെയ്യുന്ന പുതിയ ചിത്രം “ബാലൻ- ദി ബോയ്” 2026 ജൂൺ 19-ന് ആഗോളതലത്തിൽ തിയേറ്ററുകളിലെത്തും (Balan The Boy Release Date). റിലീസിന് മുന്നോടിയായി ഈ മാസം നടക്കുന്ന കാൻസ് അന്താരാഷ്ട്ര ചലച്ചിത്രമേളയിൽ മെയ് 14-ന് ചിത്രത്തിന്റെ മാർക്കറ്റിംഗ് സ്ക്രീനിംഗ് നടക്കും.
കെ.വി.എൻ പ്രൊഡക്ഷൻസും തെസ്പിയൻ ഫിലിംസും ചേർന്ന് നിർമ്മിക്കുന്ന ചിത്രത്തിന്റെ രചന നിർവഹിച്ചിരിക്കുന്നത് പ്രശസ്ത സംവിധായകൻ ജിത്തു മാധവനാണ്. ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു.
ഐഡന്റിറ്റി, അതിജീവനം, അമ്മയും കുഞ്ഞും തമ്മിലുള്ള വൈകാരിക ബന്ധം എന്നിവയാണ് ചിത്രത്തിന്റെ പ്രധാന തീമുകൾ. എല്ലാ പ്രായത്തിലുമുള്ള പ്രേക്ഷകരെയും ആകർഷിക്കുന്ന പാൻ-ഇന്ത്യൻ ചിത്രമായാണ് ഇത് ഒരുങ്ങുന്നത്.മലയാളം കൂടാതെ തമിഴ്, തെലുങ്ക്, ഹിന്ദി, കന്നഡ ഭാഷകളിലും ചിത്രം റിലീസ് ചെയ്യും.
മെയ് 14-ന് കാൻസിൽ നടക്കുന്ന പ്രദർശനത്തിലൂടെ അന്താരാഷ്ട്ര തലത്തിലുള്ള സിനിമാ വിദഗ്ധരിലേക്ക് ചിത്രം ആദ്യമായി എത്തും.
എഡിറ്റിംഗ് വിവേക് ഹർഷനും പ്രൊഡക്ഷൻ ഡിസൈൻ അജയൻ ചാലിശ്ശേരിയും നിർവഹിക്കുന്നു. മഞ്ഞുമ്മൽ ബോയ്സിന്റെ വലിയ വിജയത്തിന് ശേഷം ചിദംബരം ഒരുക്കുന്ന ചിത്രമായതുകൊണ്ട് തന്നെ വലിയ പ്രതീക്ഷയോടെയാണ് സിനിമാലോകം ഈ പ്രോജക്റ്റിനെ നോക്കിക്കാണുന്നത്.
Story Summary: Following the massive success of ‘Manjummel Boys’, director Chidambaram’s next film “Balan- The Boy” is set for a global theatrical release on June 19, 2026. The film’s marketing screening will take place at the prestigious Cannes Film Festival on May 14. Written by Jithu Madhavan and produced by KVN Productions and Thespian Films, the movie explores themes of identity, survival, and the bond between a mother and child. It features cinematography by Shyju Khalid and music by Sushin Shyam, and will be released in Malayalam, Tamil, Telugu, Hindi, and Kannada.
