കൊച്ചി: മലയാള സിനിമയിൽ ഏറെ നാളുകൾക്ക് ശേഷം പൂർണ്ണമായും മാജിക് പ്രമേയമാക്കി ഒരുങ്ങുന്ന ‘ഹൗഡിനി – ദി കിംഗ് ഓഫ് മാജിക്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി (Asif Ali Houdini Movie). ആസിഫ് അലിയുടെ കരിയറിലെ തന്നെ ഏറ്റവും വ്യത്യസ്തമായ വേഷങ്ങളിൽ ഒന്നായിരിക്കും ഈ ചിത്രത്തിലേതെന്നാണ് പോസ്റ്റർ നൽകുന്ന സൂചന.
‘ക്യാപ്റ്റൻ’, ‘വെള്ളം’, ‘മേരി ആവാസ് സുനോ’ തുടങ്ങിയ ഹിറ്റ് ചിത്രങ്ങൾക്ക് ശേഷം പ്രജേഷ് സെൻ സംവിധാനം ചെയ്യുന്ന ചിത്രമാണിത്. വെറും മാജിക് മാത്രമല്ല, ആക്ഷനും വൈകാരിക നിമിഷങ്ങൾക്കും തുല്യ പ്രാധാന്യം നൽകുന്ന ഒരു തിയേറ്റർ അനുഭവമായിരിക്കും ‘ഹൗഡിനി’ എന്ന് സംവിധായകൻ വ്യക്തമാക്കി.
‘വെള്ളം’ എന്ന ചിത്രത്തിലെ മനോഹരമായ ഗാനങ്ങൾക്ക് ശേഷം ബിജിബാലും പ്രജേഷ് സെന്നും വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. നിധീഷ് നടേരിയാണ് വരികൾ ഒരുക്കിയിരിക്കുന്നത്. ആകാശമായവളേ… എന്ന ഹിറ്റ് ഗാനത്തിന് ശേഷം ഈ ടീം ഒന്നിക്കുമ്പോൾ വലിയ പ്രതീക്ഷയിലാണ് ആരാധകർ.
അന്തരിച്ച പ്രശസ്ത നാടക സംവിധായകൻ പ്രശാന്ത് നാരായണൻ ശ്രദ്ധേയമായ വേഷത്തിൽ എത്തുന്ന ചിത്രത്തിൽ ഗുരു സോമസുന്ദരം, പ്രശാന്ത് അലക്സാണ്ടർ തുടങ്ങിയവരും പ്രധാന വേഷങ്ങളിലുണ്ട്.
നിർമ്മാണം: ജോബി പി. സാം (ബ്ലൂ ഹിൽ നൈൽ കമ്മ്യൂണിക്കേഷൻസ്).
ഛായാഗ്രഹണം: നൗഷാദ് ഷെരീഫ്.
മാജിക് കൊറിയോഗ്രാഫി: സമീർ.
ത്രിൽസ്: മാഫിയ ശശി.
മാജിക്കിന്റെ ലോകത്തെ അതികായനായിരുന്ന ഹൗഡിനിയുടെ പേര് സൂചിപ്പിക്കുന്നത് പോലെ തന്നെ, വിസ്മയിപ്പിക്കുന്ന പ്രകടനങ്ങളുമായി ആസിഫ് അലി സ്ക്രീനിലെത്താൻ കാത്തിരിക്കുകയാണ് സിനിമാ പ്രേമികൾ.
Story Summary: The first look poster of ‘Houdini – The King of Magic,’ starring Asif Ali and directed by G. Prajesh Sen, has been released. The film focuses on magic, action, and emotion, marking another collaboration between Prajesh Sen and music director Bijibal after the hit film ‘Vellam.’ Produced by Blue Hill Nile Communications, the movie features a stellar cast including Guru Somasundaram and the late Prashant Narayanan.
