ആലപ്പുഴ: അരൂരിലെ യുഡിഎഫ് സ്ഥാനാർത്ഥി ഷാനിമോൾ ഉസ്മാനെതിരെ പൊലീസ് കേസെടുത്തു. തിരഞ്ഞെടുപ്പ് ചട്ടങ്ങളും നിരോധന ഉത്തരവും ലംഘിച്ച് പോളിംഗ് ബൂത്തിൽ പ്രവേശിക്കാൻ ശ്രമിച്ചതിനാണ് നടപടി. ഷാനിമോൾക്ക് പുറമെ എൽഡിഎഫ്, എൻഡിഎ പ്രവർത്തകർക്കെതിരെയും പൂച്ചാക്കൽ പൊലീസ് കേസെടുത്തിട്ടുണ്ട്.(Violation of prohibitory order, Case filed against Shanimol Usman, LDF and NDA workers )
പോളിംഗ് സമയം അവസാനിച്ച ശേഷം ബൂത്തിൽ പ്രവേശിക്കാൻ അനുവാദമില്ലെന്ന ചട്ടം ലംഘിച്ചതാണ് കേസിന് ആധാരം. വോട്ടെടുപ്പ് സമയം കഴിഞ്ഞിട്ടും ബൂത്തിൽ കയറാൻ അനുവദിക്കാത്തതിനെത്തുടർന്ന് ഷാനിമോൾ ഉസ്മാൻ ബൂത്തിന് മുന്നിൽ കുത്തിയിരുന്ന് പ്രതിഷേധിച്ചിരുന്നു.
