കൊല്ലം : പുനലൂരിൽ പോളിംഗ് ബൂത്തിന് സമീപം എൽഡിഎഫ്–യുഡിഎഫ് പ്രവർത്തകർ തമ്മിൽ കയ്യാങ്കളി. വിളക്കുവെട്ടം എൽ.പി സ്കൂളിലെ പോളിംഗ് ബൂത്തിന് മുന്നിലാണ് സംഘർഷമുണ്ടായത്. വോട്ട് പിടിക്കുന്നതുമായി ബന്ധപ്പെട്ട തർക്കമാണ് മർദ്ദനത്തിൽ കലാശിച്ചത്.(LDF-UDF clash near polling booth in Punalur, Complaint of assault on female councilor)
സംഘർഷത്തിനിടെ തനിക്ക് മർദ്ദനമേറ്റതായി ആരോപിച്ച് യുഡിഎഫ് വനിതാ കൗൺസിലർ ആശുപത്രിയിൽ ചികിത്സ തേടി. എൽഡിഎഫ് കൗൺസിലർ തന്നെ മർദ്ദിച്ചുവെന്നാണ് ഇവരുടെ ആരോപണം. എന്നാൽ മർദ്ദനമേറ്റെന്ന ആരോപണം എൽ ഡി എഫ് കൗൺസിലർ നിഷേധിച്ചു. യുഡിഎഫ് പ്രവർത്തകരാണ് ബൂത്തിന് മുന്നിൽ മനഃപൂർവ്വം പ്രശ്നമുണ്ടാക്കിയതെന്നും അദ്ദേഹം പ്രതികരിച്ചു.
