മുൻ ഓസ്ട്രേലിയൻ ഓപ്പണിംഗ് ബാറ്റ്സ്മാൻ ഡേവിഡ് വാർണർക്കെതിരെ മദ്യപിച്ച് വാഹനം ഓടിച്ചതിന് പോലീസ് കേസെടുത്തു. സിഡ്നിയിലെ മരൂബ്രയിൽ നടന്ന പരിശോധനയ്ക്കിടയിലാണ് 39-കാരനായ വാർണർ കുടുങ്ങിയത് (Warner Arrested Drunk Driving). നിലവിൽ പാകിസ്ഥാൻ സൂപ്പർ ലീഗിൽ കറാച്ചി കിംഗ്സിന്റെ നായകനായ താരം, മത്സരങ്ങൾക്കിടയിലുള്ള ഇടവേളയിലാണ് സിഡ്നിയിലെ വീട്ടിലെത്തിയത്.
സിഡ്നിയിൽ വെച്ച് നടന്ന റാൻഡം ബ്രീത്ത് ടെസ്റ്റിനിടെയാണ് സംഭവം. പരിശോധനാ കേന്ദ്രത്തിന് തൊട്ടുമുന്നിലായി വാർണർ കാർ നിർത്തിയിട്ടെങ്കിലും സംശയം തോന്നിയ പോലീസ് ഉദ്യോഗസ്ഥർ കാറിനടുത്തെത്തി പരിശോധന നടത്തുകയായിരുന്നു. തുടർന്ന് നടത്തിയ പരിശോധനയിൽ അനുവദനീയമായതിലും കൂടുതൽ അളവിൽ അദ്ദേഹം മദ്യം കഴിച്ചതായി കണ്ടെത്തി (0.104). ഉടൻ തന്നെ താരത്തെ അറസ്റ്റ് ചെയ്ത് പോലീസ് സ്റ്റേഷനിലെത്തിച്ചു. തുടർന്ന് ജാമ്യത്തിൽ വിട്ടയച്ച താരം പിഎസ്എൽ മത്സരങ്ങളിൽ പങ്കെടുക്കുന്നതിനായി പാകിസ്ഥാനിലേക്ക് മടങ്ങി. എങ്കിലും അടുത്ത മാസം കേസിൽ കോടതിയിൽ ഹാജരാകാൻ അദ്ദേഹത്തിന് നിർദ്ദേശം നൽകിയിട്ടുണ്ട്.
2024-ൽ അന്താരാഷ്ട്ര ക്രിക്കറ്റിൽ നിന്ന് വിരമിച്ച വാർണർ ബിഗ് ബാഷ് ലീഗ് (BBL) ഉൾപ്പെടെയുള്ള ഫ്രാഞ്ചൈസി ക്രിക്കറ്റിൽ സജീവമാണ്. ബിഗ് ബാഷ് ലീഗിൽ സിഡ്നി തണ്ടേഴ്സിന് വേണ്ടി മികച്ച പ്രകടനമാണ് അദ്ദേഹം കാഴ്ചവെക്കുന്നത്. കറാച്ചി കിംഗ്സിനെ നയിക്കുന്ന വാർണർക്ക് വ്യാഴാഴ്ച പെഷവാർ സൽമിക്കെതിരെ നടക്കുന്ന നിർണ്ണായക മത്സരത്തിൽ പങ്കെടുക്കേണ്ടതുണ്ട്. ഓസ്ട്രേലിയയ്ക്കായി 112 ടെസ്റ്റുകളും 161 ഏകദിനങ്ങളും 110 ടി20 മത്സരങ്ങളും കളിച്ചിട്ടുള്ള വാർണർ, 15,000-ത്തിലധികം റണ്ണുകൾ അന്താരാഷ്ട്ര ക്രിക്കറ്റിൽ നേടിയിട്ടുണ്ട്.
Summary: Former Australian cricketer David Warner has been charged with drunk driving in Sydney. Warner was pulled over for a random breath test in Maroubra, where he blew 0.104, double the legal limit. Currently leading Karachi Kings in the PSL 2026, Warner had returned to Australia during a brief gap between matches. Although he has returned to Pakistan for the upcoming game against Peshawar Zalmi on April 9, he is required to appear in court next month to face the charges.
