സുൽത്താൻപൂർ: ഉത്തർപ്രദേശിലെ സുൽത്താൻപൂരിൽ ഒൻപത് മാസം പ്രായമുള്ള സ്വന്തം മകനെ പിതാവ് കോടാലി കൊണ്ട് വെട്ടിക്കൊന്നു (Infanticide Uttar Pradesh). കുദ്വാർ പോലീസ് സ്റ്റേഷൻ പരിധിയിലെ മാധ ഗ്രാമത്തിൽ വെള്ളിയാഴ്ചയാണ് നടുക്കുന്ന സംഭവം നടന്നത്. പ്രതിയായ ശംഭുദയാൽ കോരിയെ പോലീസ് അറസ്റ്റ് ചെയ്തു.
പ്രതിയും ഭാര്യ രഞ്ജുവും തമ്മിലുണ്ടായ തർക്കമാണ് കൊലപാതകത്തിൽ കലാശിച്ചത്. തർക്കം രൂക്ഷമായതോടെ ശംഭുദയാൽ ഭാര്യയെ ഉപദ്രവിക്കുകയും തുടർന്ന് കൈക്കുഞ്ഞായ ശിവാൻഷിനെ കോടാലി കൊണ്ട് ആക്രമിക്കുകയുമായിരുന്നു. കുട്ടി സംഭവസ്ഥലത്ത് വെച്ച് തന്നെ മരിച്ചു. വിവരം അറിഞ്ഞയുടൻ എസ്.പി ഉൾപ്പെടെയുള്ള മുതിർന്ന പോലീസ് ഉദ്യോഗസ്ഥർ സ്ഥലത്തെത്തി പരിശോധന നടത്തി.
കൊലപാതകത്തിന് ഉപയോഗിച്ച കോടാലി പോലീസ് കണ്ടെടുത്തു. കുട്ടിയുടെ മൃതദേഹം പോസ്റ്റ്മോർട്ടത്തിനായി അയച്ചു. പ്രാഥമിക അന്വേഷണത്തിൽ പ്രതിക്ക് മാനസികാസ്വാസ്ഥ്യമുള്ളതായി സംശയിക്കുന്നുണ്ടെന്നും മെഡിക്കൽ പരിശോധനയ്ക്ക് ശേഷം മാത്രമേ ഇത് സ്ഥിരീകരിക്കാൻ സാധിക്കൂ എന്നും എസ്.എച്ച്.ഒ തരുൺ പട്ടേൽ അറിയിച്ചു. സംഭവത്തിൽ പോലീസ് കൂടുതൽ അന്വേഷണം നടത്തിവരികയാണ്.
Summary
In a horrific incident in Uttar Pradesh’s Sultanpur, a man identified as Shambhudyayal Kori allegedly killed his nine-month-old son, Shivansh, with an axe following a heated argument with his wife. The tragedy occurred in Madha village under the Kudwar police station limits on Friday. Police have arrested the accused and sent the infant’s body for post-mortem. Preliminary investigations suggest the man might be mentally unstable, which is being verified through medical examinations.
