തിരുവനന്തപുരം: സംവിധായകൻ രഞ്ജിത്തിനെതിരെയുള്ള ലൈംഗിക അതിക്രമ പരാതിയിൽ അദ്ദേഹം റിമാൻഡിലായ പശ്ചാത്തലത്തിൽ, വിഷയത്തിൽ പ്രതികരണവുമായി രാഹുൽ ഈശ്വർ. രഞ്ജിത്തിനെ ‘ഇതിഹാസ തുല്യനായ കലാകാരൻ’ എന്ന് വിശേഷിപ്പിച്ച രാഹുൽ, ക്ഷമയോടെ കാത്തിരിക്കണമെന്ന് പറഞ്ഞു.(Wait patiently to know the truth, Rahul Easwar after Ranjith’s remand)
അവൾക്കൊപ്പമോ അവനൊപ്പമോ അല്ല, സത്യത്തോടൊപ്പമാണ് നിൽക്കേണ്ടത്. ഈ പരാതി സത്യമാണോ കള്ളമാണോ എന്ന് നമുക്കറിയില്ലെന്ന് അദ്ദേഹം പറഞ്ഞു. പരാതിക്കാരി ഐ.സി.സിക്ക് പരാതി നൽകിയിട്ടില്ല എന്നതും അദ്ദേഹം ചൂണ്ടിക്കാട്ടി.
അദ്ദേഹത്തെ രാഷ്ട്രീയമായി ആക്രമിക്കരുത്. തെറ്റ് ചെയ്താൽ മാത്രമേ ശിക്ഷിക്കാവൂ. “നമ്മുടെ മകൻ, അച്ഛൻ, സഹോദരൻ എന്നിവർ ജയിലിൽ നിന്ന് ഒരു വ്യാജ പരാതിയുടെ അകലത്തിൽ മാത്രമാണ്” എന്ന ആശങ്കയും രാഹുൽ ഈശ്വർ പങ്കുവെച്ചു.
