ചെന്നൈ: തമിഴ്നാട് നിയമസഭാ തിരഞ്ഞെടുപ്പിന് ദിവസങ്ങൾ മാത്രം ബാക്കിനിൽക്കെ പത്രികാ സമർപ്പണത്തിന് പിന്നാലെയാണ് വിജയ്ക്കെതിരെ ആദ്യത്തെ നിയമനടപടി ഉണ്ടായിരിക്കുന്നത് (Actor Vijay TVK). പെരുവള്ളൂരിൽ നടന്ന പൊതുസമ്മേളനവുമായി ബന്ധപ്പെട്ടാണ് പരാതി ഉയർന്നത്.പൊതുസമ്മേളനത്തിൽ അനുമതിയില്ലാതെ 30-ലേറെ ലൗഡ് സ്പീക്കറുകൾ ഉപയോഗിച്ചതായി ഫ്ലയിംഗ് സ്ക്വാഡ് ഓഫീസർ കുമാർ നൽകിയ പരാതിയിൽ പറയുന്നു.
അയ്യായിരത്തോളം പ്രവർത്തകർ പങ്കെടുത്ത പരിപാടിയിൽ കടുത്ത ഗതാഗത തടസ്സമുണ്ടായതായും അത്യാസന്ന നിലയിലുള്ള രോഗിയുമായി പോയ ആംബുലൻസ് വരെ തടസ്സപ്പെട്ടതായും പോലീസ് റിപ്പോർട്ടിലുണ്ട്.തിങ്കളാഴ്ചയാണ് തമിഴ്നാട്ടിൽ നാമനിർദ്ദേശ പത്രികാ സമർപ്പണം ആരംഭിച്ചത്. വിജയ് പെരമ്പൂർ, ട്രിച്ചി ഈസ്റ്റ് എന്നീ രണ്ട് മണ്ഡലങ്ങളിൽ നിന്നാണ് മത്സരിക്കുന്നത്.
തമിഴ്നാട്ടിൽ ഏപ്രിൽ 23-നാണ് നിയമസഭാ തിരഞ്ഞെടുപ്പ് നടക്കുന്നത്. പ്രചാരണം കൊഴുക്കുന്നതിനിടെ വിജയ്ക്കെതിരെ കേസെടുത്തത് രാഷ്ട്രീയ ചർച്ചകൾക്ക് വഴിതുറന്നിട്ടുണ്ട്. മെയ് 4-നാണ് വോട്ടെണ്ണൽ നടക്കുക.
Short Story Summary:
Chennai Police registered a case against Tamil actor and TVK leader Vijay for allegedly violating the election model code of conduct during a public meeting in Peruvallur. Based on a complaint by Flying Squad Officer Kumar, the FIR mentions the unauthorized use of over 30 loudspeakers and causing significant traffic congestion, which reportedly blocked an ambulance. Vijay is contesting from Perambur and Trichy East constituencies for the upcoming April 23 elections, with results scheduled for May 4.
