തിരുവനന്തപുരം: ഉത്സവ സീസണിലെയും നിയമസഭാ തിരഞ്ഞെടുപ്പിലെയും യാത്രാക്ലേശം പരിഹരിക്കാൻ ലക്ഷ്യമിട്ടാണ് കെഎസ്ആർടിസിയുടെ (KSRTC) പുതിയ നീക്കം. ബംഗളൂരു, ചെന്നൈ, മൈസൂരു തുടങ്ങിയ അന്തർസംസ്ഥാന പാതകളിലും കേരളത്തിലെ പ്രധാന നഗരങ്ങളിലുമാണ് അധിക സർവീസുകൾ ഏർപ്പെടുത്തിയിരിക്കുന്നത്.
ബംഗളൂരു, ചെന്നൈ, മൈസൂരു എന്നിവിടങ്ങളിൽ നിന്ന് കേരളത്തിലെ വിവിധ നഗരങ്ങളിലേക്കും തിരിച്ചും ഏപ്രിൽ 1 മുതൽ 21 വരെ സർവീസുകളുണ്ടാകും. തിരുവനന്തപുരം, എറണാകുളം, കോട്ടയം, പാലാ, തൃശൂർ, കോഴിക്കോട്, സുൽത്താൻ ബത്തേരി, കണ്ണൂർ, പയ്യന്നൂർ, കാഞ്ഞങ്ങാട് എന്നിവിടങ്ങളിലേക്ക് പ്രത്യേക സർവീസുകൾ ക്രമീകരിച്ചിട്ടുണ്ട്.
തിരക്ക് വർദ്ധിക്കുന്നത് അനുസരിച്ച് സർവീസ് നടത്തുന്നതിനായി 13 അധിക ബസുകൾ കൂടി സജ്ജമാക്കിയിട്ടുണ്ട്. ഏപ്രിൽ ഒൻപതിന് നടക്കുന്ന നിയമസഭാ തിരഞ്ഞെടുപ്പിൽ വോട്ട് രേഖപ്പെടുത്താൻ എത്തുന്നവർക്കായി പ്രത്യേക യാത്രാ സൗകര്യങ്ങൾ ഉറപ്പാക്കിയിട്ടുണ്ട്.
യാത്രക്കാർക്ക് കെഎസ്ആർടിസിയുടെ ഔദ്യോഗിക വെബ്സൈറ്റ് വഴിയോ മൊബൈൽ ആപ്പ് വഴിയോ മുൻകൂട്ടി ടിക്കറ്റുകൾ ബുക്ക് ചെയ്യാം. സ്വകാര്യ ബസുകളുടെ അമിത ചാർജ് ഈടാക്കൽ തടയാനും സർക്കാർ ബസുകളുടെ ഈ ഇടപെടൽ സഹായകമാകും.
Short Story Summary:
To accommodate the rush for Easter, Vishu, and the upcoming assembly elections on April 9, KSRTC has announced additional services from April 1 to 21. Special buses will operate to and from Bangalore, Chennai, and Mysore, as well as between major Kerala towns like Kozhikode, Ernakulam, and Kannur. An extra fleet of 13 buses is on standby for peak demand. Passengers can book tickets via the official website or app.
