കണ്ണൂർ: സിപിഎം മുതിർന്ന നേതാവ് എം.വി. ജയരാജൻ സഞ്ചരിച്ചിരുന്ന വാഹനത്തിന് പിന്നിൽ മറ്റൊരു വാഹനമിടിച്ച് അപകടം (
M.V. Jayarajan Accident News). പയ്യന്നൂരിനടുത്തുള്ള ഏഴിലോട് വെച്ചാണ് സംഭവമുണ്ടായത്. കാസർഗോഡ് ഭാഗത്തേക്ക് പോവുകയായിരുന്നു അദ്ദേഹം. അപകടത്തിൽ ജയരാജന്റെ താടിക്ക് ചെറിയ പരിക്കേറ്റു. എന്നാൽ പരിക്ക് സാരമുള്ളതല്ലെന്നാണ് ലഭിക്കുന്ന പ്രാഥമിക വിവരം.
അപകടസ്ഥലത്ത് വെച്ച് പ്രാഥമിക ചികിത്സ തേടിയ ശേഷം അദ്ദേഹം കാഞ്ഞങ്ങാടേക്ക് യാത്ര തുടർന്നു. നിയന്ത്രണം വിട്ട മറ്റൊരു വാഹനം ജയരാജൻ സഞ്ചരിച്ചിരുന്ന കാറിന്റെ പിൻഭാഗത്ത് ഇടിക്കുകയായിരുന്നു. കാറിന് കേടുപാടുകൾ സംഭവിച്ചിട്ടുണ്ട്. നേതാവിന്റെ ആരോഗ്യനില തൃപ്തികരമാണെന്നും ആശങ്കപ്പെടേണ്ട സാഹചര്യമില്ലെന്നും പാർട്ടി വൃത്തങ്ങൾ അറിയിച്ചു.
News Summary:
CPM State Secretariat member M.V. Jayarajan sustained minor injuries in a road accident at Ezhilode, Payyannur, on Tuesday afternoon. The accident occurred when another vehicle rammed into the rear of the car in which Jayarajan was traveling toward Kasaragod. He suffered a minor injury to his chin and proceeded to Kanhangad after receiving first aid. His condition is reported to be stable.
