പത്തനംതിട്ട: സിപിഎം ഭരണസമിതിയുള്ള അടൂർ സർവ്വീസ് സഹകരണ ബാങ്കിലെ സാമ്പത്തിക ക്രമക്കേടുകൾക്കെതിരെ പ്രതിഷേധം ശക്തമാക്കി കോൺഗ്രസ്. സഹകരണ വകുപ്പ് അസിസ്റ്റന്റ് രജിസ്ട്രാർ ഓഫിസിലേക്ക് കോൺഗ്രസ് നടത്തിയ മാർച്ച് പോലീസ് തടഞ്ഞു. (Adoor Cooperative Bank Scam, Congress holds protest march)
ബാങ്ക് മുൻ പ്രസിഡന്റും മുതിർന്ന സിപിഎം നേതാവുമായ പൊൻതാമര പിള്ളയുടെ അപ്രതീക്ഷിത വെളിപ്പെടുത്തലുകൾക്ക് പിന്നാലെയാണ് മണ്ഡലത്തിൽ രാഷ്ട്രീയ പോരാട്ടം കടുക്കുന്നത്. ബാങ്ക് പ്രസിഡന്റ് സ്ഥാനം രാജിവെച്ചതിന് പിന്നാലെയാണ് പൊൻതാമര പിള്ള ഗുരുതരമായ ആരോപണങ്ങളുമായി രംഗത്തെത്തിയത്.
ബാങ്കിൽ നടന്ന 75 ലക്ഷം രൂപയുടെ ക്രമക്കേട് തന്റെ തലയിൽ കെട്ടിവെക്കാൻ ബോർഡിലെ ശ്രമിക്കുന്നുവെന്നാണ് ഇവരുടെ ആരോപണം. മുതിർന്ന സിപിഎം നേതാവും മുൻ എം.എൽ.എയുമായ ആർ. ഉണ്ണികൃഷ്ണപിള്ളയുടെ ഭാര്യയാണ് പൊൻതാമര പിള്ള.
