മലപ്പുറം: പാണക്കാട് സാദിഖലി ശിഹാബ് തങ്ങളെ സമൂഹമാധ്യമത്തിലൂടെ അധിക്ഷേപിച്ചെന്ന പരാതിയിൽ പോലീസ് അന്വേഷണം ഊർജിതമാക്കി. അധിക്ഷേപകരമായ പരാമർശങ്ങൾ പോസ്റ്റ് ചെയ്ത ഫേസ്ബുക്ക് അക്കൗണ്ടിന്റെ ഉറവിടം കണ്ടെത്താനായി സൈബർ പോലീസ് മെറ്റയെ സമീപിച്ചു.(Cyber attack against Panakkad Sadiq Ali Thangal, Police intensify investigation)
നിലവിൽ ഈ ഫേസ്ബുക്ക് അക്കൗണ്ട് ഡിലീറ്റ് ചെയ്യപ്പെട്ട നിലയിലാണ്. എന്നാൽ ഏത് കമ്പ്യൂട്ടറിൽ നിന്നാണ് ഈ അക്കൗണ്ട് നിർമ്മിച്ചത് എന്നതടക്കമുള്ള സാങ്കേതിക വിവരങ്ങളാണ് പോലീസ് ഇപ്പോൾ തേടുന്നത്.
കൂടാതെ വിവാദ പോസ്റ്റിനൊപ്പം നൽകിയിരുന്ന ഫോട്ടോ കൂടുതൽ വ്യക്തതയ്ക്കായി ഫോറൻസിക് പരിശോധനയ്ക്ക് അയച്ചിട്ടുണ്ട്. വ്യാജരേഖ ചമയ്ക്കൽ, അപകീർത്തിപ്പെടുത്തൽ തുടങ്ങിയ ഗൗരവകരമായ വകുപ്പുകൾ ചുമത്തിയാണ് പോലീസ് കേസ് രജിസ്റ്റർ ചെയ്തിരിക്കുന്നത്.
