ദോഹ: ഖത്തറിൽ സൈനിക ഹെലികോപ്റ്റർ കടലിൽ തകർന്നു വീണു. സാധാരണ ഡ്യൂട്ടിക്കിടെയുണ്ടായ സാങ്കേതിക തകരാറാണ് അപകടത്തിന് കാരണമായതെന്ന് ഖത്തർ പ്രതിരോധ മന്ത്രാലയം അറിയിച്ചു. സംഭവത്തിൽ ഉന്നതതല അന്വേഷണത്തിന് ഉത്തരവിട്ടിട്ടുണ്ട്.(Military helicopter crashes into sea in Qatar, Search continues)
അപകടം നടന്ന ഉടൻ തന്നെ രക്ഷാപ്രവർത്തനം ആരംഭിച്ചു. ഹെലികോപ്റ്ററിൽ പൈലറ്റും മറ്റ് യാത്രക്കാരുമുണ്ടായിരുന്നു. ഇവരെ കണ്ടെത്താനായി വിവിധ സുരക്ഷാ ഏജൻസികളുടെ നേതൃത്വത്തിൽ കടലിൽ വിപുലമായ തെരച്ചിൽ തുടരുകയാണ്. പ്രാഥമിക വിവരങ്ങൾ പ്രകാരം സാങ്കേതികമായ തകരാറാണ് അപകടത്തിലേക്ക് നയിച്ചതെന്നാണ് അധികൃതർ വിശദീകരിക്കുന്നത്.
അപകടത്തെക്കുറിച്ച് കൂടുതൽ വിവരങ്ങൾ ലഭ്യമാക്കാൻ പ്രതിരോധ മന്ത്രാലയം അന്വേഷണം തുടങ്ങിയിട്ടുണ്ട്. പശ്ചിമേഷ്യയിൽ യുദ്ധസാഹചര്യം നിലനിൽക്കുന്നതിനാൽ മേഖലയിലെ ഓരോ സൈനിക നീക്കങ്ങളെയും രാജ്യാന്തര സമൂഹം അതീവ ജാഗ്രതയോടെയാണ് വീക്ഷിക്കുന്നത്.
