മലപ്പുറം: അനിശ്ചിതത്വങ്ങൾക്കൊടുവിൽ മലപ്പുറം ജില്ലയിലെ താനൂർ, വള്ളിക്കുന്ന് മണ്ഡലങ്ങളിലും കാസർഗോഡ് മണ്ഡലത്തിലും എൽഡിഎഫ് സ്ഥാനാർത്ഥികളെ പ്രഖ്യാപിച്ചു. മൂന്നിടത്തും സ്വതന്ത്ര സ്ഥാനാർത്ഥികളെയാണ് ഇടതുമുന്നണി രംഗത്തിറക്കിയിരിക്കുന്നത്.(LDF finally announces remaining candidates for Malappuram and Kasaragod)
താനൂരിൽ പി. മുഹമ്മദ് സമീർ ആണ് സ്ഥാനാർഥി. പ്രമുഖ വ്യവസായി മുഹമ്മദ് സമീറിലൂടെ മണ്ഡലം നിലനിർത്താമെന്നാണ് ഇടതുമുന്നണിയുടെ പ്രതീക്ഷ. വള്ളിക്കുന്നിൽ അഡ്വ. സി.പി. മുസ്തഫ മത്സരിക്കും. മുപ്പത്തിയഞ്ച് വർഷത്തോളമായി അഭിഭാഷക രംഗത്ത് സജീവമായ മുസ്തഫ, മുൻ മൂന്നിയൂർ പഞ്ചായത്ത് പ്രസിഡന്റ് കൂടിയാണ്.
കാസർഗോഡ് ഷാനവാസ് പാദൂർ രംഗത്തിറങ്ങും. മങ്കട മണ്ഡലത്തിൽ മുസ്ലീം ലീഗ് വിമതനും മുൻ മണ്ഡലം പ്രസിഡന്റുമായ കുന്നത്ത് മുഹമ്മദ് സ്വതന്ത്രനായി നാമനിർദ്ദേശ പത്രിക സമർപ്പിച്ചു.
