കണ്ണൂർ: സ്ഥാനാർത്ഥി പട്ടികയെച്ചൊല്ലി കോൺഗ്രസിനെ മുൾമുനയിൽ നിർത്തിയ കെ. സുധാകരനോട് സംസാരിച്ച് മുതിർന്ന നേതാവ് എ കെ ആൻ്റണി. സുധാകരൻ പുതിയ പാർട്ടി രൂപീകരിക്കുമെന്ന സൂചനകൾക്കിടയിൽ എ.കെ. ആന്റണി അദ്ദേഹത്തെ ഫോണിൽ വിളിച്ചു സംസാരിക്കുകയായിരുന്നു.(Told him to stay with the party no matter what the difficulties, AK Antony about K Sudhakaran)
കണ്ണൂരിൽ ജീവൻ പണയപ്പെടുത്തി പാർട്ടിയെ വളർത്തിയ ആളാണ് സുധാകരനെന്നും, എന്ത് പ്രയാസമുണ്ടായാലും പാർട്ടിക്കൊപ്പം നിൽക്കണമെന്നും അദ്ദേഹം അഭ്യർത്ഥിച്ചു. മൂന്നാം പിണറായി സർക്കാർ വരുന്നത് തടയേണ്ടത് അനിവാര്യമാണെന്നും ആന്റണി സുധാകരനെ ഓർമ്മിപ്പിച്ചു.
എംപിമാരെ മത്സരിപ്പിക്കേണ്ടതില്ലെന്ന് നേതാക്കൾ കർശന നിലപാട് എടുത്തിരുന്നെങ്കിലും, സുധാകരന്റെ കടുത്ത പ്രതിഷേധം പാർട്ടിയുടെ അടിത്തറയെ ബാധിക്കുമെന്ന് ഹൈക്കമാൻഡ് വിലയിരുത്തുകയായിരുന്നു.
