This Content Is Only For Subscribers
ആന്ധ്രാപ്രദേശിൽ പച്ചപ്പ് പുതച്ച പൂർവ്വഘട്ടത്തിന്റെ ഒരത്തായി ഒരു വിഷ്ണു ക്ഷേത്രമുണ്ട്. ഉദ്ധിഷ്ട കാര്യപ്രാപ്തിക്കായി വിശ്വാസികൾ ഒഴുകിയെത്തുന്ന ശ്രീ വരാഹലക്ഷ്മി നരസിംഹ സ്വാമി ക്ഷേത്രം (Sri Varahalakshmi Narasimha Swamy Temple). വിശ്വാസത്തിൻ്റെയും ഭക്തിയുടെയും ആത്മീയതയുടെ ശാശ്വത തെളിവായി നിലകൊള്ളുന്ന നരസിംഹ സ്വാമി ക്ഷേത്രം മനുഷ്യന്റെ ആത്മിയ ചൈതന്യത്തിന്റെ ഉദാപ്തമായ ഉദാഹരണമാണ്.
ആന്ധ്രപ്രദേശിലെ വിശാഖപട്ടണത് (Visakhapatnam) സിംഹാചലം മലനിരകളുടെ (Simhachalam Hill) വടക്ക് ഭാഗത്താണ് ക്ഷേത്രം സ്ഥിതിചെയുന്നത്. സമുദ്ര നിരപ്പിൽ നിന്നും ഏകദേശം 800 മീറ്റർ ഉയരത്തിൽ നിലകൊള്ളുന്ന ക്ഷേത്രത്തിൽ എത്തിച്ചേരുവാൻ ആയിരത്തോളം പടികൾ കയറേണ്ടതാണ്. ഈ പാതയ്ക്ക് തണലേകുവാൻ ചുറ്റിലും മരങ്ങളുണ്ട്. ആയിരത്തോളം പാടികൾ താണ്ടി കുന്നിൻ മുകളിലെത്തിയാൽ ക്ഷേത്രത്തിന്റെ മനോഹരമായ കാഴ്ച്ച കണ്ണിനും മനസ്സിനും ഒരു പോലെ കുളിർമ്മ പകരുന്നു. മഹാവിഷ്ണുവിന്റെ അവതാരമായ നരസിംഹമാണ് ക്ഷേത്രത്തിലെ ആരാധന മൂർത്തി. സിംഹാചലം മലനിരകളുടെ താഴെ നിന്ന് നോക്കിയാൽ ക്ഷേത്രം ഒരു കോട്ട പോലെയാണ് കാണുവാൻ സാധിക്കുക.
ആന്ധ്രപ്രദേശിലെ പ്രധാനപ്പെട്ട 32 നരസിംഹ ക്ഷേത്രങ്ങളിൽ ഒന്നാണ് ഇവിടം. മറ്റു ക്ഷേത്രങ്ങളിൽ നിന്നും വ്യത്യസ്തമായാണ് ഈ ക്ഷേത്രത്തിലെ നരസിഹം സ്വാമിയുടെ മൂർത്തിയുള്ളത്. വിഷ്ണുവിന്റെ മറ്റൊരു അവതാരമായ വരാഹത്തിന്റെ തലയും മനുഷ്യന്റെ ഉടലും സിംഹത്തിന്റെ വാലുമുള്ള അവതാരമാണ് ഇവിടുത്തേത്. ഹിരണ്യകശുപുവിനെ വധിച്ചതിന് ശേഷമുള്ള ഭഗവാന്റെ ഭാവമാണ് ഇവിടെ പ്രതിഷ്ഠിച്ചിരിക്കുന്നത്. പല്ലവ രാജാവായിരുന്നു നരസിംഹ വർമ്മ രണ്ടാമൻ ഏഴാം നൂറ്റാണ്ടിലാണ് ക്ഷേത്രം പണിതീർത്തത്.
പിന്നീട് ഇവിടം മാറി മാറി ഭരിച്ച രാജാക്കന്മാർ ക്ഷേത്രത്തിൽ കാര്യമായി മാറ്റങ്ങൾ വരുത്തിയിട്ടുണ്ട്. പടിഞ്ഞാറൻ ഗംഗ രാജവംശത്തിലെ ഭരണാധികാരിയായിരുന്ന നരസിംഹ ദേവനാണ് പിൽകാലത്ത് ക്ഷേത്രത്തിൽ പ്രധാന കൊത്തുപണികൾ നടത്തിയത്. നരസിംഹ ദേവൻ പുനർനിർമ്മിച്ച മാതൃകയിലാണ് ക്ഷേത്രം നിലവിലുള്ളത്. ആയിരത്തോളം പടികൾ താണ്ടി ക്ഷേത്രത്തിലെത്തിയാൽ ആദ്യം എത്തിച്ചേരുന്നത് 96 തൂണുകളുള്ള മണ്ഡപത്തിലാണ്. ഹൈന്ദവ പുരാണത്തിലെ ദേവതമാരുടെയും ദേവന്മാരുടെയും മറ്റു ചെറു ക്ഷേത്രങ്ങളും ഇവിടെ കാണുവാൻ സാധിക്കുന്നതാണ്.
ക്ഷേത്രത്തിൽ ചന്ദന ലേപത്തിലാണ് നരസിംഹ മൂർത്തിയെ സൂക്ഷിക്കുന്നത്. ഹിരണ്യകാശിപുവിനെ വധിച്ച് കോപം ശമിക്കാത്ത ഉഗ്രനരസിംഹ ദേവനാണ് ക്ഷേത്രത്തിലെ പ്രധാന മൂർത്തി. ഭഗവാന്റെ ഈ കോപം ശമിക്കുവാനാണ് മൂർത്തിയിൽ ചന്ദനം ലേപനം ചെയ്യുന്നത്. എന്നാൽ വൈശാഖ മാസത്തിലെ മൂന്നാം നാൾ ഇങ്ങനെ ചെയ്യാറില്ല. അത് കൊണ്ട് തന്നെ അന്ന് മാത്രമാണ് ഭക്തർക്ക് നരസിംഹസ്വാമിയുടെ മൂർത്തിയെ പൂർണമായും ദർശിക്കുവൻ സാധിക്കുക. ക്ഷേത്രത്തിന്റെ മറ്റൊരു ശ്രദ്ധേയമായ സവിശേഷത നരസിംഹ മൂർത്തിയുടെ വലതു ഭാഗത്ത് സ്ഥിതിചെയ്യുന്ന ഒരു തൂണാണ്. ഈ തൂണിൽ ഇരു കൈകളും വച്ച പ്രാർത്ഥിച്ചാൽ ഉദ്ധിഷ്ട കാര്യസിദ്ധി ഫലം ഉണ്ടാകുമെന്ന് ഭക്തർ വിശ്വസിക്കുന്നു. സന്താന ഭാഗ്യത്തിനായി ഇവിടെ എത്തി പ്രാർത്ഥിക്കുന്നവരും നിരവധിയാണ്. കല്യാണോത്സവ, ചന്ദ്രോത്സവ, നരസിംഹ ജയന്തി, നവരാത്രോത്സവ, കാമദഹന, കൃഷ്ണ ജന്മാഷ്ടമി, കാർത്തിക ദീപാവലി, ഗിരിപ്രദക്ഷിണ, തുടങ്ങിയവയാണ് ക്ഷേത്രത്തിലെ പ്രധാന ആഘോഷങ്ങള്.
Summary
The Sri Varahalakshmi Narasimha Swamy Temple, located in Visakhapatnam, is a major Hindu pilgrimage site famous for its unique blend of Kalinga and Dravidian architecture. The deity is kept covered in sandalwood paste year-round, appearing as a golden mound that is only revealed in its true form once a year during the Chandanotsavam festival.
