വാഷിംഗ്ടൺ: ഒമാൻ കടലിൽ നിലയുറപ്പിച്ചിട്ടുള്ള അമേരിക്കൻ വിമാനവാഹിനിക്കപ്പൽ യുഎസ്എസ് അബ്രഹാം ലിങ്കണ് നേരെ മിസൈൽ ആക്രമണം നടത്തിയെന്ന ഇറാന്റെ അവകാശവാദം തള്ളി അമേരിക്ക (US Warship Abraham Lincoln Iran Attack Claim). തങ്ങളുടെ അത്യാധുനിക ബാലിസ്റ്റിക് മിസൈലുകളും ഡ്രോണുകളും ഉപയോഗിച്ച് യുഎസ് കപ്പലിനെ തകർത്തുവെന്നും കപ്പൽ പിൻവാങ്ങുകയാണെന്നുമാണ് ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് അറിയിച്ചത്. എന്നാൽ ഈ വാർത്ത അടിസ്ഥാനരഹിതമാണെന്നും ‘ഓപ്പറേഷൻ എപിക് ഫ്യൂറി’യുടെ ഭാഗമായി കപ്പൽ ഇപ്പോഴും സമുദ്രത്തിൽ സജീവമാണെന്നും യുഎസ് സെൻട്രൽ കമാൻഡ് (CENTCOM) വ്യക്തമാക്കി.
ഇറാന്റെ വാദം
ഇറാനിയൻ സമുദ്രാതിർത്തിയിൽ നിന്ന് 340 കിലോമീറ്റർ അകലെ വെച്ച് അബ്രഹാം ലിങ്കണ് നേരെ കൃത്യമായ ആക്രമണം നടത്തിയെന്നാണ് ഇറാന്റെ സ്റ്റേറ്റ് ടിവി റിപ്പോർട്ട് ചെയ്തത്. ആക്രമണത്തിന് പിന്നാലെ യുഎസ് യുദ്ധക്കപ്പലും മറ്റ് അനുബന്ധ കപ്പലുകളും അതിവേഗത്തിൽ പ്രദേശം വിട്ടുപോയതായും ഇറാൻ അവകാശപ്പെടുന്നു. മുൻപും സമാനമായ രീതിയിൽ അബ്രഹാം ലിങ്കണെ ലക്ഷ്യം വെച്ചതായി ഇറാൻ അവകാശപ്പെട്ടിരുന്നുവെങ്കിലും അന്ന് മിസൈലുകൾ കപ്പലിന് അടുത്തെങ്ങും എത്തിയിരുന്നില്ലെന്ന് പെന്റഗൺ വിശദീകരിച്ചിരുന്നു.
അമേരിക്കയുടെ വിശദീകരണം
ഇറാന്റെ റിപ്പോർട്ടുകൾക്ക് പിന്നാലെ യുഎസ്എസ് അബ്രഹാം ലിങ്കണിന്റെ ചിത്രം എക്സിൽ പങ്കുവെച്ചുകൊണ്ടാണ് യുഎസ് ഇതിന് മറുപടി നൽകിയത്. ഇറാനിയൻ കപ്പൽ തങ്ങളുടെ യുദ്ധക്കപ്പലിന് തൊട്ടടുത്തെത്തിയപ്പോൾ പ്രതിരോധത്തിനായി വെടിയുതിർത്തുവെന്നും എന്നാൽ കപ്പലിന് കേടുപാടുകൾ സംഭവിച്ചിട്ടില്ലെന്നും യുഎസ് മാധ്യമങ്ങൾ റിപ്പോർട്ട് ചെയ്യുന്നു. യുഎസ് നാവികസേനയുടെ മാർക്ക് 45 തോക്കുകൾ ഉപയോഗിച്ചാണ് ഇറാനിയൻ ബോട്ടുകൾക്ക് നേരെ വെടിയുതിർത്തത്. ഇത് മുന്നറിയിപ്പ് വെടിയുണ്ടകളാണോ അതോ ലക്ഷ്യം തെറ്റിയതാണോ എന്ന കാര്യത്തിൽ വ്യക്തതയില്ല.
ഫെബ്രുവരി 28-ന് ഇറാനെതിരെ ആരംഭിച്ച യുദ്ധത്തിനായി യുഎസ്എസ് ജെറാൾഡ് ആർ ഫോർഡ്, യുഎസ്എസ് അബ്രഹാം ലിങ്കൺ എന്നീ രണ്ട് ഭീമൻ വിമാനവാഹിനിക്കപ്പലുകളെയാണ് അമേരിക്ക വിന്യസിച്ചിരിക്കുന്നത്. ഇവയോടൊപ്പം മറ്റ് എട്ട് ഡിസ്ട്രോയഴ്സും നിലവിൽ അറബിക്കടലിൽ നിലയുറപ്പിച്ചിട്ടുണ്ട്.
Summary
Iran’s Revolutionary Guard Corps (IRGC) claimed to have struck the US aircraft carrier USS Abraham Lincoln with ballistic missiles and drones in the Sea of Oman, forcing it to retreat. However, Washington has flatly denied these reports, stating that the carrier strike group remains operational as part of “Operation Epic Fury.”
