തിരുവനന്തപുരം: നിയമസഭാ തിരഞ്ഞെടുപ്പിന്റെ ആവേശം കൊടുമുടിയിലെത്തിച്ച് ഇടതുമുന്നണി (LDF) തങ്ങളുടെ പുതിയ തിരഞ്ഞെടുപ്പ് പ്രചാരണ മുദ്രാവാക്യം പുറത്തിറക്കി (LDF election slogan). “മറ്റാരുണ്ട് എൽഡിഎഫ് അല്ലാതെ…” എന്ന ചോദ്യമുയർത്തിയാണ് ഇത്തവണ ഇടതുപക്ഷം ജനവിധി തേടുന്നത്. സർക്കാരിന്റെ വികസന നേട്ടങ്ങളും ജനക്ഷേമ പദ്ധതികളും ജനങ്ങളിലേക്ക് എത്തിക്കാനാണ് ഈ മുദ്രാവാക്യത്തിലൂടെ ലക്ഷ്യമിടുന്നത്.
കഴിഞ്ഞ അഞ്ച് വർഷത്തിനിടെ നടപ്പിലാക്കിയ പ്രധാന പദ്ധതികളെ മുദ്രാവാക്യവുമായി കോർത്തിണക്കിയാണ് പ്രചാരണം. ഉരുൾപൊട്ടൽ ദുരന്തം ബാധിച്ച വയനാടിന് ലോകോത്തര ടൗൺഷിപ്പ് നൽകാൻ എൽഡിഎഫ് അല്ലാതെ മറ്റാരുണ്ട് എന്ന ചോദ്യം ഉയർത്തിക്കൊണ്ട് പ്രത്യേക പ്രചാരണവും മുന്നണി നടത്തുന്നുണ്ട്.
പ്രചാരണ പരിപാടികൾക്കൊപ്പം തന്നെ സ്ഥാനാർത്ഥി നിർണ്ണയ ചർച്ചകളും ഇടതുമുന്നണിയിൽ വേഗത്തിലാക്കി. സിപിഎം സ്ഥാനാർത്ഥി പട്ടികയ്ക്ക് ഏകദേശ രൂപമായിട്ടുണ്ട്. ഔദ്യോഗിക പ്രഖ്യാപനം ഉടൻ ഉണ്ടാകും. സിപിഐ 25 മണ്ഡലങ്ങളിലേക്കുള്ള തങ്ങളുടെ സ്ഥാനാർത്ഥി പട്ടികയ്ക്ക് അംഗീകാരം നൽകി കഴിഞ്ഞു.
മണ്ഡലങ്ങളിൽ പ്രവർത്തനങ്ങൾ സജീവമാക്കാനും വികസന മുദ്രാവാക്യങ്ങൾ ചുവരുകളിൽ ഇടംപിടിക്കാനും മുന്നണി നേതൃത്വം അണികൾക്ക് നിർദ്ദേശം നൽകി.
Story Summary:
The Left Democratic Front (LDF) has officially launched its campaign slogan for the upcoming Kerala Assembly Elections: “Who else but LDF…” (Mattarundu LDF Allathe…). The campaign highlights government achievements, including the proposed world-class township for Wayanad. Candidate selection is nearly complete, with CPM finalizing its list and CPI approving 25 candidates.
