തിരുവനന്തപുരം: കേരളത്തിലെ രാഷ്ട്രീയ സാഹചര്യങ്ങളിൽ വരും ദിവസങ്ങളിൽ വൻ മാറ്റങ്ങളുണ്ടാകുമെന്ന് ബി.ജെ.പി. കേരള പ്രഭാരി പ്രകാശ് ജാവഡേക്കർ (BJP Kerala Election Strategy). നിയമസഭാ തിരഞ്ഞെടുപ്പിന് മുന്നോടിയായി കോൺഗ്രസിൽ നിന്നും കമ്മ്യൂണിസ്റ്റ് പാർട്ടികളിൽ നിന്നും കൂടുതൽ നേതാക്കളും പ്രവർത്തകരും ബി.ജെ.പിയിൽ ചേരുമെന്നും അദ്ദേഹം വ്യക്തമാക്കി. 50 ദിവസത്തിനുള്ളിൽ സംസ്ഥാനത്തെ രാഷ്ട്രീയ ചിത്രം പൂർണ്ണമായും മാറുമെന്നാണ് മുൻ കേന്ദ്രമന്ത്രിയുടെ അവകാശവാദം. തിരഞ്ഞെടുപ്പ് ഒരുക്കങ്ങൾ പൂർത്തിയായതായും സ്ഥാനാർത്ഥി നിർണ്ണയവുമായി ബന്ധപ്പെട്ട പ്രാഥമിക ചർച്ചകൾ അവസാനിച്ചതായും അദ്ദേഹം അറിയിച്ചു. ഇത്തവണ ‘വിജയം’ മാത്രമാണ് ബി.ജെ.പിയുടെ ലക്ഷ്യം.
ശബരിമല സ്ത്രീ പ്രവേശന വിഷയവും അതുമായി ബന്ധപ്പെട്ട സർക്കാർ നിലപാടും ഇത്തവണ മുഖ്യ ചർച്ചാവിഷയമാകുമെന്ന് ജാവഡേക്കർ പറഞ്ഞു. കൂടാതെ താഴെ പറയുന്ന വിഷയങ്ങളിൽ ഊന്നിയാകും എൻ.ഡി.എ പ്രചാരണം.കേസിലെ അന്വേഷണം സി.ബി.ഐക്ക് വിട്ടുനൽകാൻ സർക്കാർ മടിക്കുന്നത് എന്തുകൊണ്ടാണെന്ന് ജനം ചോദിക്കുമെന്ന് അദ്ദേഹം പറഞ്ഞു.അയ്യപ്പസംഗമത്തിലെ അഴിമതി ഉൾപ്പെടെയുള്ള വിഷയങ്ങൾ ചർച്ചയാകും.
കേരളത്തിൽ നിന്ന് മുൻപ് സീറ്റുകൾ ലഭിക്കാതിരുന്നിട്ടും മോദി സർക്കാർ നൽകിയ വികസന പ്രവർത്തനങ്ങൾ വോട്ടായി മാറുമെന്ന് ബി.ജെ.പി കണക്കുകൂട്ടുന്നു.
“മതവിശ്വാസികളായ ഭൂരിഭാഗം ആളുകളും അവിശ്വാസികൾക്ക് വോട്ട് ചെയ്യുന്ന വിചിത്രമായ രീതിയാണ് കേരളത്തിലുള്ളത്. ഇതിന് മാറ്റം വരും. യോഗ്യരായ ആർക്കും ബി.ജെ.പിയിലേക്ക് സ്വാഗതം. എൽ.ഡി.എഫ് – യു.ഡി.എഫ് മുന്നണികളിൽ മനംമടുത്തവർ ഇത്തവണ താമരയ്ക്ക് വോട്ട് ചെയ്യും,” ജാവഡേക്കർ കൂട്ടിച്ചേർത്തു.
Story Summary :
Prakash Javadekar, BJP’s Kerala in-charge, predicts a major political shift in Kerala within the next 50 days. He stated that leaders from Congress and Communist parties will join the BJP ahead of the Assembly elections. The party aims for victory by focusing on issues like Sabarimala, gold smuggling investigations, and the development initiatives of the Modi government.
