ആലപ്പുഴ: ഇടിമിന്നലിൽ പശു ചത്തതിന് പിന്നാലെ, തൊഴുത്തിലേക്ക് ഓടിയെത്തിയ ക്ഷീരകർഷകൻ ഷോക്കേറ്റ് മരിച്ചു. ഇലിപ്പക്കുളം വട്ടയ്ക്കാട് പുത്തൻതറയിൽ രാമകൃഷ്ണപിള്ള ആണ് മരിച്ചത്. തൊഴുത്തിൽ കെട്ടിയിരുന്ന പശുവും ഇടിമിന്നലേറ്റ് ചത്തു.(Farmer dies after being shocked from the electric wire)
ശനിയാഴ്ച രാത്രി ഒൻപതരയോടെ പ്രദേശത്ത് ശക്തമായ മഴയും ഇടിമിന്നലുമുണ്ടായിരുന്നു. ഇടിമിന്നലേറ്റ പശു ചത്തു. പശുവിന്റെ നിലവിളി കേട്ട് വീട്ടുമുറ്റത്തെ തൊഴുത്തിലേക്ക് രാമകൃഷ്ണപിള്ള ഓടിച്ചെന്നു.
തൊഴുത്തിൽ വൈദ്യുത കമ്പി പൊട്ടിവീണിരുന്നു. രാമകൃഷ്ണപിള്ളയ്ക്ക് ഈ വയറിൽ നിന്ന് ഷോക്കേൽക്കുകയായിരുന്നു. മകൾ ശ്രീജയ്ക്കും ഷോക്കേറ്റെങ്കിലും ഭാഗ്യവശാൽ രക്ഷപ്പെട്ടു.
