പ്രമുഖ നടനും സംവിധായകനുമായ വിക്രമൻ നായർ അന്തരിച്ചു
Mar 28, 2023, 08:13 IST
കോഴിക്കോട് : പ്രമുഖ നാടകകൃത്തും നടനും സംവിധായകനുമായ വിക്രമൻ നായർ അന്തരിച്ചു. 77 വയസായിരുന്നു. കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. ശ്വാസകോശ സംബന്ധമായ അസുഖങ്ങളെ തുടർന്ന് ചികിത്സയിലായിരുന്നു. മരക്കാർ അറബിക്കടലിന്റെ സിംഹം, വൈറസ്, പാലേരി മാണിക്യം തുടങ്ങിയ ചിത്രങ്ങളിലും അഭിനയിച്ചു. കേരളസംഗീത നാടക അക്കാദമിയുടെ ഉൾപ്പെടെ നിരവധി പുരസ്കാരങ്ങൾ നേടിയിട്ടുണ്ട്. അഗ്രഹാരം, ബൊമ്മക്കൊലു, അമ്പലക്കാള തുടങ്ങിയവയാണ് പ്രധാന നാടകങ്ങൾ. ഭാര്യ ലക്ഷ്മി, മക്കൾ ദുർഗ. സരസ്വതി.