ചെന്നൈ: തമിഴ്നാട് നിയമസഭയിൽ ഏറ്റവും വലിയ ഒറ്റക്കക്ഷിയായി മാറിയിട്ടും സർക്കാരുണ്ടാക്കാനുള്ള വിജയുടെ നീക്കങ്ങൾക്ക് ഗവർണർ തടയിട്ടു. ഭൂരിപക്ഷം തെളിയിക്കുന്നതിനാവശ്യമായ രേഖകൾ ഹാജരാക്കുന്നതിൽ പരാജയപ്പെട്ടതോടെ വിജയ്ക്ക് ലോക്ഭവനിൽ നിന്ന് നിരാശനായി മടങ്ങേണ്ടി വന്നു.(Technical Error Costs Vijay CM Post In Tamil Nadu Despite TVK Being Single Largest Party)
234 അംഗ സഭയിൽ 108 സീറ്റുകൾ നേടിയാണ് ടിവികെ കരുത്തുകാട്ടിയത്. കേവല ഭൂരിപക്ഷത്തിന് 118 സീറ്റുകൾ വേണമെന്നിരിക്കെ, ഏറ്റവും വലിയ ഒറ്റക്കക്ഷിയെന്ന നിലയിൽ അവകാശവാദം ഉന്നയിക്കുന്നതിന് പകരം സഖ്യകക്ഷി പിന്തുണയോടെ സർക്കാരുണ്ടാക്കാനാണ് വിജയ് ശ്രമിച്ചത്. അഞ്ച് സീറ്റുള്ള കോൺഗ്രസിന്റെ പിന്തുണ കൂടി ചേർത്ത് 112 അംഗങ്ങളുടെ പട്ടികയാണ് വിജയ് ഗവർണർക്ക് നൽകിയത്.
സാധാരണഗതിയിൽ ഏറ്റവും വലിയ ഒറ്റക്കക്ഷി എന്ന നിലയിൽ മാത്രം അവകാശവാദം ഉന്നയിച്ചിരുന്നെങ്കിൽ വിജയ്ക്ക് സർക്കാരുണ്ടാക്കാൻ ഗവർണർ അവസരം നൽകുകയും പിന്നീട് സഭയിൽ ഭൂരിപക്ഷം തെളിയിക്കാൻ ആവശ്യപ്പെടുകയും ചെയ്യുമായിരുന്നു. എന്നാൽ കോൺഗ്രസിനെ കൂടി ഉൾപ്പെടുത്തി സഖ്യകക്ഷി പട്ടിക നൽകിയതോടെ, സഭയിലെ മൊത്തം ഭൂരിപക്ഷമായ 118 പേരുടെ പിന്തുണ വിജയ്ക്കുണ്ടെന്ന് തെളിയിക്കേണ്ടി വന്നു. ഈ 11 സീറ്റുകളുടെ കുറവാണ് വിജയിയുടെ മുഖ്യമന്ത്രി പദത്തിലേക്കുള്ള വഴിയിൽ തടസ്സമായത്.
രണ്ടാം തവണ ഗവർണറെ കണ്ടപ്പോഴും ഭൂരിപക്ഷം ഉറപ്പാക്കുന്ന കത്തുകൾ ഹാജരാക്കാൻ വിജയ്ക്ക് കഴിഞ്ഞില്ലെന്ന് വ്യക്തമാക്കി. ഏറ്റവും വലിയ ഒറ്റക്കക്ഷിയെന്ന നിലയിൽ മാത്രം നീങ്ങിയിരുന്നെങ്കിൽ വിജയ് ഇതിനകം മുഖ്യമന്ത്രിയായി സത്യപ്രതിജ്ഞ ചെയ്യുമായിരുന്നു എന്നാണ് വിദഗ്ധർ ചൂണ്ടിക്കാട്ടുന്നത്. പാർട്ടിക്കുള്ളിലെ മുതിർന്ന ഉപദേശകരുടെ കുറവാണ് ഇത്തരം ഒരു നീക്കത്തിലേക്ക് വിജയിയെ നയിച്ചതെന്നാണ് രാഷ്ട്രീയ കേന്ദ്രങ്ങളിലെ പരിഹാസം. ഇതോടെ തമിഴ്നാട്ടിൽ അടുത്ത സർക്കാർ ആര് രൂപീകരിക്കുമെന്ന കാര്യത്തിൽ അനിശ്ചിതത്വം തുടരുകയാണ്.
Story Summary
Despite emerging as the single largest party in the Tamil Nadu Assembly elections, Vijay’s TVK failed to form the government due to a technical error in their claim submitted to the Governor. By including Congress support in the initial list, Vijay was forced to prove a majority of 118 seats immediately, a hurdle he couldn’t clear due to lack of political experience.
