കോഴിക്കോട്: കേരളത്തിലെ വടക്കൻ ജില്ലകളിൽ കാലവർഷം കനത്തതോടെയും കേന്ദ്ര കാലാവസ്ഥാ വകുപ്പ് വിവിധയിടങ്ങളിൽ റെഡ് അലർട്ട് പ്രവചിച്ച സാഹചര്യത്തിലും മുൻകരുതൽ നടപടിയായി കോഴിക്കോട്, കാസർകോട്, കണ്ണൂർ ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ (09.06.2026, ചൊവ്വാഴ്ച) ജില്ലാ കളക്ടർമാർ അവധി പ്രഖ്യാപിച്ചു (Kozhikode Kannur Kasaragod school holiday rain). പ്രൊഫഷണൽ കോളേജുകൾ ഉൾപ്പെടെയുള്ള എല്ലാ സ്ഥാപനങ്ങൾക്കും അവധി ബാധകമായിരിക്കും.
കാസർകോട് ജില്ലയിൽ റെഡ് അലർട്ട് നിലനിൽക്കുന്നതിനാൽ അപകട സാധ്യതകൾ ഒഴിവാക്കാനാണ് കളക്ടറുടെ ഉത്തരവ്. പ്രൊഫഷണൽ കോളേജുകൾ, മറ്റ് കോളേജുകൾ, സ്കൂളുകൾ, അങ്കണവാടികൾ, ട്യൂഷൻ സെന്ററുകൾ, സിബിഎസ്ഇ (CBSE), ഐസിഎസ്ഇ (ICSE) സ്കൂളുകൾ, കേന്ദ്രീയ വിദ്യാലയങ്ങൾ, മദ്രസകൾ ഉൾപ്പെടെയുള്ള മതവിദ്യാഭ്യാസ സ്ഥാപനങ്ങൾ എന്നിവയ്ക്കെല്ലാം ചൊവ്വാഴ്ച അവധിയായിരിക്കും. എന്നാൽ റസിഡൻഷ്യൽ സ്കൂളുകൾക്ക് ഈ അവധി ബാധകമല്ല. മുൻകൂട്ടി നിശ്ചയിച്ച സർവകലാശാല/പൊതു പരീക്ഷകൾക്കും അഭിമുഖങ്ങൾക്കും യാതൊരുവിധ മാറ്റവും ഉണ്ടായിരിക്കില്ലെന്ന് കളക്ടർ വ്യക്തമാക്കി.
കോഴിക്കോട് തീവ്രമഴയെ തുടർന്ന് ജില്ലയുടെ പല ഭാഗങ്ങളിലും ഇതിനകം തന്നെ വെള്ളക്കെട്ട് രൂപപ്പെട്ടിട്ടുണ്ട്. വരും ദിവസങ്ങളിലും ശക്തമായ കാറ്റും മഴയും തുടരുമെന്ന മുന്നറിയിപ്പുള്ളതിനാൽ ദുരന്തങ്ങൾ ഒഴിവാക്കാനാണ് അടിയന്തര അവധി പ്രഖ്യാപനം. ജില്ലയിലെ സ്കൂളുകൾ, മദ്രസകൾ, ട്യൂഷൻ സെന്ററുകൾ, അങ്കണവാടികൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങളും നാളെ അടഞ്ഞു കിടക്കും. അതേസമയം, യൂണിവേഴ്സിറ്റി പരീക്ഷകളും പിഎസ്സി (PSC) പരീക്ഷകളും മുൻകൂട്ടി നിശ്ചയിച്ച പ്രകാരം തന്നെ നടക്കുമെന്ന് അധികൃതർ അറിയിച്ചു.
കണ്ണൂർ കണ്ണൂർ ജില്ലയിലും കനത്ത മഴ തുടരുന്ന സാഹചര്യത്തിൽ പ്രൊഫഷണൽ കോളേജുകൾ അടക്കം എല്ലാ വിദ്യാഭ്യാസ സ്ഥാപനങ്ങൾക്കും ചൊവ്വാഴ്ച കളക്ടർ അവധി പ്രഖ്യാപിച്ചു. അങ്കണവാടികൾ, ട്യൂഷൻ സെന്ററുകൾ, ഐസിഎസ്ഇ, സിബിഎസ്ഇ സ്കൂളുകൾ, കേന്ദ്രീയ വിദ്യാലയങ്ങൾ, മദ്രസകൾ തുടങ്ങിയവയ്ക്കെല്ലാം അവധി ബാധകമാണ്. റസിഡൻഷ്യൽ സ്കൂളുകൾ പതിവുപോലെ പ്രവർത്തിക്കും. മുൻകൂട്ടി നിശ്ചയിച്ച സർവകലാശാല/പൊതു പരീക്ഷകൾക്കും അഭിമുഖങ്ങൾക്കും മാറ്റമുണ്ടായിരിക്കുന്നതല്ല.
മഴ കനക്കുന്ന സാഹചര്യത്തിൽ ജനങ്ങൾ അനാവശ്യ യാത്രകൾ ഒഴിവാക്കണമെന്നും പുഴകളിലും ജലാശയങ്ങളിലും ഇറങ്ങരുതെന്നും ദുരന്തനിവാരണ അതോറിറ്റി നിർദ്ദേശിച്ചിട്ടുണ്ട്.
Story Summary: District Collectors have declared a holiday for all educational institutions, including professional colleges, in Kozhikode, Kannur, and Kasaragod districts on Tuesday (June 9, 2026) due to heavy rains and Red Alert warnings. The holiday applies to schools, Anganwadis, tuition centers, and madrasas, but residential schools and pre-scheduled university/PSC exams remain unchanged.
