മെൽബൺ: ഇന്ത്യയുടെ സാമ്പത്തിക പുരോഗതിയിലും ആഭ്യന്തര വിപണിയിലുമുള്ള ആഗോള വിശ്വാസത്തിന്റെ തെളിവായി ഓസ്ട്രേലിയയിലെ ഏറ്റവും വലിയ പെൻഷൻ ഫണ്ടായ ‘ഓസ്ട്രേലിയൻ സൂപ്പർ’ ഇന്ത്യയിൽ വൻ നിക്ഷേപത്തിനൊരുങ്ങുന്നു. ഇന്ത്യയുടെ ദേശീയ ഇൻഫ്രാസ്ട്രക്ചർ ഫണ്ടിലേക്ക് 500 മില്യൺ ഓസ്ട്രേലിയൻ ഡോളറിന്റെ അധിക നിക്ഷേപം നടത്തുമെന്ന് കമ്പനി ചീഫ് എക്സിക്യൂട്ടീവ് പോൾ ഷ്രോഡർ പ്രഖ്യാപിച്ചു. മെൽബണിൽ നടന്ന ഇന്ത്യ-ഓസ്ട്രേലിയ സി.ഇ.ഒ ഫോറത്തിൽ പങ്കെടുത്ത പ്രധാനമന്ത്രി നരേന്ദ്ര മോദി ഈ തീരുമാനത്തെ സ്വാഗതം ചെയ്തു.(PM Modi Australia visit, PM Modi Welcomes Massive Australian Investment In Indias National Infrastructure Fund)
ഇന്ത്യയുടെ സുസ്ഥിരമായ സാമ്പത്തിക വളർച്ചയും പരിഷ്കരണ നടപടികളും ആഗോള നിക്ഷേപകർക്ക് നൽകുന്ന ഉറപ്പാണ് ഈ വൻ നിക്ഷേപമെന്ന് പ്രധാനമന്ത്രി എക്സ് പ്ലാറ്റ്ഫോമിൽ കുറിച്ചു. ഓസ്ട്രേലിയൻ പെൻഷൻ ഫണ്ടുകൾ നിലവിൽ നാല് ട്രില്യൺ ഡോളറിലധികം ആസ്തി കൈകാര്യം ചെയ്യുന്നുണ്ടെന്ന് വ്യക്തമാക്കിയ പ്രധാനമന്ത്രി, ആഗോള നിക്ഷേപകർക്ക് ഏറ്റവും സുരക്ഷിതവും സുസ്ഥിരവുമായ ദീർഘകാല നിക്ഷേപ കേന്ദ്രമായി ഇന്ത്യയെ ഉയർത്തിക്കാട്ടി. ഇന്ത്യയിലെ വിദ്യാഭ്യാസ-തൊഴിൽ മേഖലകളിലെ പങ്കാളിത്തം ശക്തമാക്കാനും അദ്ദേഹം ആഹ്വാനം ചെയ്തു.
ഇന്ത്യയിലെ അടിസ്ഥാന സൗകര്യ വികസനത്തിന് ആഗോള മൂലധനം ആകർഷിക്കുന്നതിനായി 2015-ലാണ് നാഷണൽ ഇൻവെസ്റ്റ്മെന്റ് ആൻഡ് ഇൻഫ്രാസ്ട്രക്ചർ ഫണ്ട് സ്ഥാപിച്ചത്. ഇതിലേക്ക് ഏഴ് വർഷം മുൻപ് ഓസ്ട്രേലിയൻ സൂപ്പർ 240 മില്യൺ ഡോളർ നിക്ഷേപിച്ചിരുന്നു. തങ്ങളുടെ ആഗോള നിക്ഷേപങ്ങളിൽ വെച്ച് ഏറ്റവും മികച്ച പ്രകടനം കാഴ്ചവെച്ച ഒന്നാണ് എൻ.ഐ.ഐ.എഫ് എന്നും പുതിയ നിക്ഷേപത്തോടെ ഇന്ത്യയിലെ തങ്ങളുടെ ആകെ നിക്ഷേപം 3.3 ബില്യൺ ഓസ്ട്രേലിയൻ ഡോളറായി ഉയർന്നതായും പെൻഷൻ ഫണ്ട് അധികൃതർ വ്യക്തമാക്കി.
Story Summary
Prime Minister Narendra Modi has welcomed a massive 500 million Australian dollar investment commitment from AustralianSuper into India’s National Investment and Infrastructure Fund (NIIF). Speaking at the India-Australia CEO Forum in Melbourne, PM Modi pitched India as a safe and stable long-term investment destination, highlighting the growing global confidence in India’s economic growth trajectory.
